ننکانہ صاحب (باغی ٹی وی، نامہ نگار احسان اللہ ایاز)ڈپٹی کمشنر ننکانہ صاحب محمد تسلیم اختر راؤ نے بیساکھی میلے کے دوران مثبت صحافتی کوریج پر ننکانہ کی صحافی برادری کو خراج تحسین پیش کیا ہے۔ ان کا کہنا تھا کہ مقامی صحافیوں نے اپنی رپورٹنگ کے ذریعے دنیا کو پاکستان کا مثبت چہرہ دکھایا اور بین الاقوامی سطح پر پاکستان کا امیج بہتر بنانے میں اہم کردار ادا کیا۔
ڈپٹی کمشنر نے کہا کہ بیساکھی میلے کے موقع پر ننکانہ صاحب کے شہریوں، صحافیوں، ضلعی انتظامیہ اور پولیس افسران و اہلکاروں نے مثالی مہمان نوازی اور بھرپور تعاون کے ذریعے یاتریوں کے لیے ایک خوشگوار اور محفوظ ماحول فراہم کیا، جو قابل تحسین ہے۔
ان کا مزید کہنا تھا کہ دنیا بھر سے آنے والے سکھ یاتریوں نے بھی انتظامات اور مقامی عوام کی مہمان نوازی کو سراہا، جو ننکانہ کے عوام کے لیے باعثِ فخر ہے۔ انہوں نے اس عزم کا اظہار کیا کہ آئندہ بھی اسی جذبے کے ساتھ ملکی و غیر ملکی مہمانوں کا استقبال اور خدمت جاری رکھی جائے گی۔
