ننکانہ صاحب (نامہ نگار احسان اللہ ایاز) ڈپٹی کمشنر ننکانہ صاحب محمد تسلیم اختر راؤ نے عید کے موقع پر ڈسٹرکٹ ہیڈ کوارٹر ہسپتال کا دورہ کیا۔ ان کے ہمراہ اسسٹنٹ کمشنر وجہیہ ثمرین، محکمہ صحت کے افسران ایم ایس ڈی ایچ کیو اطہر فرید، ڈاکٹر افتخار اور ڈاکٹر راحیل بھی موجود تھے۔
ڈپٹی کمشنر نے ہسپتال میں داخل مریضوں کی عیادت کی، انہیں عید کی مبارکباد دی اور ان میں مٹھائی اور عید گفٹس بھی تقسیم کیے۔ انہوں نے ہسپتال میں مریضوں کو فراہم کی جانے والی طبی سہولیات کا جائزہ لیا اور اطمینان کا اظہار کیا۔
اس موقع پر ڈپٹی کمشنر محمد تسلیم اختر راؤ نے کہا کہ وزیر اعلی پنجاب مریم نواز شریف کی ہدایت پر ضلع کے تمام ہسپتالوں میں بہترین طبی سہولیات کی فراہمی کو یقینی بنایا جا رہا ہے۔ انہوں نے کہا کہ ہسپتالوں میں مفت ادویات کی فراہمی اور ڈاکٹروں اور عملے کی حاضری کو بھی یقینی بنایا جا رہا ہے
