ننکانہ صاحب،باغی ٹی وی (نامہ نگاراحسان اللہ ایاز) ڈاکٹر کی تین ماہ سے غیر حاضری، سی ای او ہیلتھ کا سخت نوٹس، وضاحتی لیٹر جاری
تفصیل کے مطابق بنیادی ہیلتھ یونٹ لڑھکا کے میڈیکل آفیسر ڈاکٹر فیصل نواز کی مسلسل غیر حاضری پر چیف ایگزیکٹو آفیسر ہیلتھ ڈاکٹر طلحہ شیروانی نے سخت نوٹس لیتے ہوئے وضاحتی لیٹر جاری کر دیا۔
بائیومیٹرک حاضری کے مطابق ڈاکٹر فیصل نواز نومبر 2024 سے فروری 2025 تک مختلف تاریخوں میں بغیر اطلاع غیر حاضر رہے۔ سی ای او ہیلتھ نے ڈاکٹر فیصل نواز کی تنخواہ بند کرتے ہوئے انہیں 20 فروری تک تحریری جواب کے ساتھ پیش ہونے کی ہدایت کی ہے، بصورت دیگر سخت کارروائی عمل میں لائی جائے گی۔
ڈسٹرکٹ ہیلتھ آفیسر ڈاکٹر کامران واجد اور ڈپٹی ڈی ایچ او ڈاکٹر ذیشان اختر سے بھی رپورٹ طلب کر لی گئی ہے کہ انہوں نے گزشتہ تین ماہ میں ہسپتال کے کتنے دورے کیے اور غیر حاضری کی اطلاع کیوں نہیں دی۔
سی ای او ڈاکٹر طلحہ شیروانی نے واضح کیا کہ عوام کو صحت کی سہولیات کی فراہمی میں کوتاہی برداشت نہیں کی جائے گی اور غفلت برتنے والے افسران کے خلاف سخت کارروائی کی جائے گی۔
