ننکانہ صاحب،باغی ٹی وی(نامہ نگاراحسان اللہ ایاز) ڈپٹی کمشنر محمد تسلیم اختر راؤ نے امتحانی مراکز کی سیکیورٹی اور شفافیت کو یقینی بنانے کے لیے دفعہ 144 نافذ کر دی۔
محکمہ تعلیم کی ہدایت پر ثانوی و اعلیٰ ثانوی تعلیمی بورڈ لاہور کے تحت منعقدہ سالانہ امتحانات 2025 کے دوران بوٹی مافیا اور غیر متعلقہ افراد کی روک تھام کے لیے سخت اقدامات کیے گئے ہیں۔
ڈپٹی کمشنر کے جاری کردہ حکم نامے کے مطابق:
🔹 غیر متعلقہ افراد امتحانی مراکز کے 100 گز کے اندر داخل نہیں ہو سکیں گے، صرف رول نمبر سلپ رکھنے والے امیدوار اور سپروائزری اسٹاف کو اجازت ہوگی۔
🔹 کتابیں، حل شدہ گائیڈز یا نقل کا دیگر مواد امتحانی مراکز کے 100 گز کے اندر لے جانے پر پابندی ہوگی۔
🔹 یہ احکامات فوری طور پر 30 دن کے لیے نافذ العمل ہوں گے، اور خلاف ورزی کی صورت میں قانونی کارروائی عمل میں لائی جائے گی۔
ڈپٹی کمشنر نے واضح کیا کہ اس حکم کی خلاف ورزی پر سخت قانونی کارروائی کی جائے گی اور متعلقہ افسران کو اس حکم پر سختی سے عملدرآمد کروانے کی ہدایات جاری کر دی گئی ہیں۔
حکام نے عوام سے تعاون کی اپیل کرتے ہوئے کہا ہے کہ امتحانی عمل کو شفاف اور بوٹی مافیا سے پاک بنانے میں اپنا کردار ادا کریں۔
