![](https://baaghitv.com/wp-content/uploads/2024/08/nankana-pmml.jpg)
ننکانہ صاحب( باغی ٹی وی نامہ نگار احسان اللہ ایاز)پاکستان مرکزی مسلم لیگ ضلع ننکانہ صاحب کے زیرِ اہتمام تحفظ ختم نبوت (ﷺ) اور دفاع پاکستان پر ایک فقید المثال علماء و مشائخ کانفرنس کا انعقاد کیا گیا۔ یہ تاریخی پروگرام بین المسالک ہم آہنگی، یکجہتی اور اتحاد کا مظہر تھا جس کی صدارت ضلعی سیکرٹری جنرل محمد ثاقب مجید نے کی۔
کانفرنس میں علماء کرام، مختلف مذہبی و سیاسی جماعتوں کے قائدین، درباروں کے سجادہ نشینوں اور عاشقان رسول کی بڑی تعداد نے شرکت کی۔ گونگے اور بہرے نوجوانوں نے بھی اشاروں کے ذریعے نعروں کا جواب دیا، اور تمام شرکاء نے ہاتھوں میں ہاتھ ڈال کر تحفظ ختم نبوت کے لیے اپنی جانوں کے نذرانے پیش کرنے کا عزم ظاہر کیا۔
اس موقع پر قاری محمد یعقوب شیخ، حافظ عبد الرؤف، شیخ فیاض احمد، سید عبدالوحید شاہ، مولانا عباد علی زاہد، مولانا نعیم الرحمان شیخوپوری، امیر حمزہ، صاحبزادہ پیر علی رضا شاہ، سید عامر شاہ گیلانی، قاری حبیب ضیاء، نصیب الہیٰ گوجر، مفتی سفیر احمد، بشیر احمد زرگر، پیر محمد شفیق سیفی، عبداللہ مجاہد کھرل، سہیل منظور گل، غلام الرسول جوئیہ، صاحبزادہ سید مجاہد حسین ترمذی، محمد طارق ضیاء، ڈاکٹر سید مصطفیٰ گیلانی، پروفیسر عبد الحمید کوکب، ضلعی صدر لیاقت حیات بھٹی ایڈووکیٹ، اور سٹی صدر میاں عابد حسین نے خطاب کیا۔
انہوں نے کہا کہ عقیدہ ختم نبوت پر تمام مذہبی جماعتیں بلا تفریق ایک ہیں اور اس عقیدہ کی حفاظت کرنا ہر مسلمان کا ایمان ہے۔ خطاب میں کہا گیا کہ آج کا پروگرام علماء کرام کی جانب سے تحفظ ختم نبوت کے لیے سپریم کورٹ میں دلائل کے بعد قادیانیوں کی جھوٹی اشاعت و تبلیغ پر پابندی لگانے اور ان کے خلاف سخت قانونی کارروائی کا مطالبہ کرنے کے اظہارِ تشکر کے لیے منعقد کیا گیا ہے۔
شرکاء نے حکومت سے قادیانیوں کو مرتد قرار دینے اور ان کی سزا موت مقرر کرنے کا مطالبہ کیا تاکہ آئندہ کوئی مسلمان کسی لالچ یا دباؤ میں آکر ایسی مذموم حرکت نہ کر سکے۔