ننکانہ:فیئر پرائس شاپ پر رمضان بازار میں 13 اشیاء پر 25 فیصد سبسڈی دی جارہی ہے،نیئرجلال

ننکانہ صاحب ،باغی ٹی وی( نامہ نگار احسان اللہ ایاز)وزیراعلی پنجاب کی ہدایت فیئر پرائس شاپ پر رمضان بازار میں 13 اشیاء پر 25 فیصد سبسڈی دی جا رہی ہے، رمضان بازار میں آلو ,پیاز ,سبزیوں اور پھلوں سمیت دیگر اشیاءکی کوالٹی کویقینی بنایاجا رہا ہے,رمضان بازار میں لوگوں کا رحجان دیکھ کر بہت خوشی ہوئی ، نیئرجلال

تفصیلات کے مطابق وزیر اعلی پنجاب مریم نواز شریف کی ہدایات پر لگاۓ جانے والے سستے رمضان بازار ننکانہ صاحب کا ڈائریکٹر مارکیٹنگ پنجاب نیئر جلال نے دورہ کیا ان ہمراہ ای اے ڈی اے ایڈمنسٹریٹر مارکیٹ کمیٹی مس حرا صفدر,چیف آفیسر میونسپل کمیٹی راؤ انوار اور قائم مقام سیکرٹری مارکیٹ کمیٹی محمد سرور موجود تھے

ڈائریکٹر مارکیٹنگ پنجاب نے رمضان بازار میں لگے فیئرپرائس شاپ کے اسٹال کا دورہ کیا اس موقع پر ای اے ڈی اے ایڈمنسٹریٹر مارکیٹٰ کمیٹی مس حرا صفدر نے بریفنگ دیتے ہوۓ بتایا کہ وزیراعلی پنجاب مریم نواز شریف کی ہدایات کو مدنظر رکھتے ہوۓ عوام کو سبسڈی پر اعلی معیار کی اشیاء فراہم کی جارہی ہیں

ڈاٸریکٹر مارکیٹنگ پنجاب نیئر جلال نے گفتگو کرتے ہوۓ بتایا کہ فیئر پرائس شاپس پر اشیاءضروریہ کی 25 فیصد سستے داموں فراہمی کی جارہی ہیں اور رمضان بازار میں درجہ اول اشیاءکی فراہمی کو یقینی بنایا گیا ہے

رمضان بازار میں شہریوں کی تعداد دیکھ کر خوشی ہوئی ہے ,رمضان بازار میں ایگریکلچر فیئر پرائس پر اشیاءکے معیار پر اطمینان کا اظہار کیا