ننکانہ صاحب (باغی ٹی وی نامہ نگار احسان اللہ ایاز)بابا گورونانک دیو جی کے جنم دن کے موقع پر آج 5 نومبر کو ضلع ننکانہ صاحب میں عام تعطیل ہے۔ ترجمان ضلعی انتظامیہ کے مطابق ڈپٹی کمشنر ننکانہ صاحب محمد تسلیم اختر راؤ کی ہدایت پر عام تعطیل کا باقاعدہ نوٹیفکیشن جاری کیا گیا تھا۔
آج ضلع بھر کے تمام سرکاری دفاتر، تعلیمی ادارے، اسکولز اور کالجز بند ہیں۔
ضلعی انتظامیہ نے کہا ہے کہ بابا گورونانک دیو جی کے جنم دن کے موقع پر ضلع ننکانہ صاحب میں سیکیورٹی کے خصوصی انتظامات بھی کیے گئے ہیں تاکہ عقیدت مند زائرین اپنے مذہبی فرائض پُرامن ماحول میں ادا کر سکیں۔
