ننکانہ صاحب،باغی ٹی وی (نامہ نگاراحسان اللہ ایاز)پانی کی بچت کے لیے ننھے طلبہ کی ریلی، "سیو واٹر سیو لائف” کا پیغام
تفصیل کے مطابق ننکانہ صاحب میں نجی اسکول کے ننھے طلبہ نے پانی کی اہمیت اجاگر کرنے کے لیے "سیو واٹر سیو لائف” کے عنوان سے ریلی نکالی، جس کی قیادت دی ارقم اسکول کے ڈائریکٹر چوہدری تجمل حسین گجر نے کی۔
ریلی کے دوران بچوں نے پانی کی بچت سے متعلق مختلف پلے کارڈز اٹھا رکھے تھے جن پر پانی کے کم سے کم استعمال اور اس کے تحفظ کا پیغام درج تھا۔ اس موقع پر اسکول کی پرنسپل کا کہنا تھا کہ پانی کا تحفظ ہم سب کی اجتماعی ذمہ داری ہے، جبکہ ڈائریکٹر دی ارقم اسکول چوہدری تجمل حسین گجر نے کہا کہ پانی کی حفاظت ہی زندگی کی بقا کی ضمانت ہے،
اس آگاہی مہم کا مقصد نئی نسل میں پانی کی بچت کا شعور اجاگر کرنا ہے۔
