وفاقی وزیر داخلہ محسن نقوی ایران کے سرکاری دورے پر تہران پہنچ گئے، جہاں ایرانی وزیر داخلہ اسکندر مومنی نے ان کا پرتپاک استقبال کیا۔
دورے کے پہلے روز دونوں وزرائے داخلہ کے درمیان اہم ملاقات ہوئی جس میں دوطرفہ تعلقات، سرحدی امور اور زائرین سے متعلق مسائل پر تبادلہ خیال کیا گیا۔وفاقی وزیر داخلہ کے ہمراہ ایران میں تعینات پاکستانی سفیر محمد مدثر ٹیپو، قونصلر آفتاب بٹ اور دیگر سفارتی افسران بھی موجود تھے۔ ایرانی وزارت داخلہ کے اعلیٰ حکام نے بھی ہوائی اڈے پر ان کا استقبال کیا۔
ملاقات کے دوران ایرانی وزیر داخلہ اسکندر مومنی نے کہا کہ وہ اپنے پاکستانی بھائی کو ایران آمد پر خوش آمدید کہتے ہیں اور امید ظاہر کی کہ یہ دورہ دونوں ممالک کے درمیان تعلقات کو مزید مضبوط بنائے گا۔محسن نقوی نے اس موقع پر کہا کہ ایران پاکستان کا برادر ہمسایہ ملک ہے اور دونوں ممالک کے تعلقات کو خصوصی اہمیت حاصل ہے۔ انہوں نے کہا کہ تہران میں منعقد ہونے والی پاکستان، ایران اور عراق کی سہ ملکی کانفرنس زائرین کے مسائل کے حل میں سنگِ میل ثابت ہو گی۔
وفاقی وزیر داخلہ نے ایران کے سپریم لیڈر آیت اللہ علی خامنہ ای اور صدر مسعود پزشکیان کے لیے نیک خواہشات کا اظہار بھی کیا۔
پنجاب اسمبلی: حکومت اور اپوزیشن کے درمیان کمیٹی اجلاس بے نتیجہ
سعودی عرب کا اثر و رسوخ اور غزہ و کشمیر کے مسئلوں میں کردار.تجزیہ:شہزاد قریشی
$2.6B روس-پاکستان ڈیل: بھارت کی خارجہ پالیسی کی ناکامی؟تحریر:ناصر اسماعیل
