نارنگ منڈی (باغی ٹی وی، نامہ نگار محمد وقاص قمر) نارنگ منڈی شہر میں سٹریٹ لائٹس کی عدم دستیابی کے باعث شہریوں کو شدید مشکلات کا سامنا ہے۔ شام ڈھلتے ہی پورا شہر، بشمول شرقی و غربی آبادیاں، ریلوے اسٹیشن اور اہم شاہراہیں گہرے اندھیرے میں ڈوب جاتی ہیں۔ اس صورتحال نے نہ صرف وارداتوں اور جرائم میں اضافہ کر دیا ہے بلکہ شہری خوف وہراس کا شکار ہیں۔
اندھیرے کی وجہ سے راہگیروں کو ٹھوکریں لگنے اور زخمی ہونے کے واقعات معمول بن چکے ہیں۔ مساجد میں نماز ادا کرنے جانے والے نمازیوں کو بھی شدید پریشانی کا سامنا ہے۔
شہریوں نے وفاقی وزیر رانا تنویر حسین، رکن قومی اسمبلی رانا احمد عتیق انور اور رکن صوبائی اسمبلی چوہدری حسان ریاض سے پرزور مطالبہ کیا ہے کہ شہر بھر میں سٹریٹ لائٹس نصب کروائی جائیں تاکہ اہل علاقہ کی مشکلات کم ہو سکیں اور انہیں تحفظ کا احساس ہو۔
