نریندر مودی کا امریکا کا دورہ: اہم ملاقاتیں اور کواڈ سمٹ میں شرکت

بھارتی وزیراعظم نریندر مودی نے امریکا کا 3 روزہ دورہ مکمل کر کے بھارت واپس پہنچ گئے ہیں۔ اس دورے کے دوران مودی نے امریکی صدر جو بائیڈن کی سربراہی میں ہونے والے کواڈ لیڈر سمٹ میں شرکت کی، جو 21 ستمبر کو منعقد ہوا۔ اس سمٹ میں آسٹریلوی اور جاپانی وزرائے اعظم بھی شامل تھے۔دورے کے دوران مودی نے اقوام متحدہ کے فیوچر سمٹ میں خطاب کیا اور متعدد عالمی رہنماؤں سے ملاقاتیں بھی کیں۔ یہ واضح ہے کہ مودی کا یہ دورہ بین الاقوامی تعلقات میں بھارت کے کردار کو مستحکم کرنے کی کوشش کا حصہ تھا۔دورے کے دوران ایک دلچسپ صورتحال اس وقت سامنے آئی جب جو بائیڈن نے کواڈ لیڈرز سمٹ کی پریس کانفرنس میں مودی کا تعارف کروانا بھول گئے۔
81 سالہ بائیڈن نے کہا، "آپ سب کا شکریہ۔۔۔ اور اب میں کس کا تعارف کروانے والا ہوں؟ کون اگلا ہے؟” اس لمحے میں ان کی الجھن نے حاضرین کو ہنسانے پر مجبور کر دیا۔ جو بائیڈن کے عملے کے ایک رکن نے انہیں یاد دلایا کہ نریندر مودی بھارت کے وزیراعظم ہیں، جس پر مودی فوراً اسٹیج پر آ کر بائیڈن سے ہاتھ ملاتے ہیں۔ بھارتی وزیر خارجہ ایس جے شنکر اقوام متحدہ کی جنرل اسمبلی کے سالانہ اجلاس میں بھارت کی نمائندگی کریں گے۔ بھارت کا خطاب 28 ستمبر کو متوقع ہے، جو کہ بین الاقوامی پلیٹ فارم پر بھارت کے موقف کو اجاگر کرنے کا ایک اہم موقع ہوگا۔اس دورے نے مودی کی عالمی سطح پر موجودگی کو مزید مستحکم کرنے کے ساتھ ساتھ بھارت کے خارجہ تعلقات میں ایک نئی جہت کا اضافہ کیا ہے۔