ڈیرہ مراد جمالی (آغا نیاز مگسی ) صوباٸی پارلیمانی سیکرٹری براٸے ایکسائز ، ٹیکسیشن اینڈ اینٹی نارکوٹیکس حاجی محمد خان لہڑی نے کہا ہے کہ صوبے میں غیر قانونی اشیاء کی اسمگلنگ کی روک تھام اور گاڑیوں اور پراپرٹی کے ٹیکس نادہنگان کے خلاف کاررواٸی کا عمل تیز کر دیا گیا گیا ہے اور اس سلسلے میں بلوچستان بھر کے ای ٹی اوز کو خصوصی احکامات جاری کر دیے گئے ہیں.
یہ بات انہوں نے لہڑی ہاٶس ڈیرہ مراد جمالی میں میڈیا کے نماٸندوں سے گفتگو کرتے ہوٸے کہی انہوں نے کہا کہ رواں سال نصیر آباد میں محکمہ ایریگیشن کی کارکردگی صفر رہی ہے صرف 15 فیصد کمانڈ ایریا کو شالی کی کاشت کے لیے پانی فراہم کیا جا رہا تھا لیکن اللہ تعالیٰ کی غیبی امداد کی بدولت بارشوں کا سلسلہ شروع ہو گیا جس کی وجہ سے شالی کی کاشت اور پیداوار میں اضافہ ہوا جس سے نصیر آباد کے پریشاں حال زمیندار دیوالیہ ہونے سے بچ گٸے حاجی میر محمد خان لہڑی نے کہا کہ حلقہ پی بی 14 نصیر آباد میں ترقی کا سفر جاری ہے جب تک اللہ تعالیٰ کی رضا اور باشعور عوام کی حمایت حاصل ہے ان شاء اللہ اس وقت تک ترقی کا سفر جاری رہے گا اور اس ترقی کے سفر کو کوٸی نہیں روک سکتا انہوں نے کہا کہ اپنے انتخابی حلقے میں وسیع پیمانے پر تعلیم و صحت اور سفری سہولیات سمیت روزگار کی فراہمی کا سلسلہ جاری ہے مزید کٸی علاقوں میں نٸی سڑکوں کی تعمیر شروع کیا رہا ہے جن کا جلد افتتاح کروں گا
