سربراہ نیشنل پارٹی و سابق وزیراعلیٰ ڈاکٹر عبدالمالک بلوچ نے کوئٹہ کے علاقے سریاب میں ہونے والے خودکش حملے کے خلاف 3 روزہ سوگ کا اعلان کردیا۔
تربت میں پریس کانفرنس کرتے ہوئے انہوں نے کہا کہ 14 ستمبر کو حب میں غوث بخش بزنجو اور حاصل بزنجو کی برسی پر منعقدہ جلسہ ملتوی کردیا گیا ہے۔ڈاکٹر عبدالمالک بلوچ نے کہا کہ سریاب روڈ پر بی این پی کے جلسے کے اختتام پر خودکش حملہ بزدلانہ اور قابل مذمت ہے۔انہوں نے کہا کہ بلوچستان کو مزید عدم استحکام کی طرف دھکیلا جا رہا ہے، ایسے حالات میں جمہوری سیاسی جماعتوں کو مشترکہ لائحہ عمل اختیار کرنا ہوگا۔
ان کا کہنا تھا کہ نیشنل پارٹی ہر حال میں اپنی سیاسی جدوجہد جاری رکھے گی۔
پاکستان سے افغانستان کے زلزلہ متاثرین کے لیے 105 ٹن امدادی سامان روانہ
ایف آئی اے کی کارروائی، کراچی اور کوئٹہ سےحوالہ ہنڈی میں ملوث 4 ملزمان گرفتار
دریائے چناب اور ستلج میں سیلابی صورتحال، درجنوں علاقے زیرِ آب
