نواز کی ضمانت پر شہباز نے کیا کہا؟ اہم خبر

نواز کی ضمانت پر شہباز نے کیا کہا؟ اہم خبر

باغی ٹی وی کی رپورٹ کے مطابق نواز شریف کی لاہور ہائیکورٹ سے ضمانت ہونے کے بعد مسلم لیگ ن کے صدر شہباز شریف نے میڈیا سے گفتگو کرتے ہوئے کہا کہ ہم اللہ کا شکر ادا کرتے ہیں،نوازشریف کی ضمانت پوری قوم کیلئے باعث خوشی ہے ،

شہباز شریف کا کہنا تھا کہ نوازشریف اس وقت بڑی شدید قسم کی بیماری میں مبتلا ہیں ، اللہ ان کو آپ کی دعاﺅں سے صحت یاب فرمائے ، ڈاکٹرز محنت کر رہے ہیں اور پوری کوشش کر رہے ہیں ۔

شہباز شریف نے مزید کہا کہ پیر کے روز مریم نواز کی ضمانت کی درخواست پر لاہور ہائیکورٹ میں سماعت ہو گی مریم نواز کی رہائی کے لئے بھی دعا کریں ، نوازشریف کی بیٹی نے اپنے باپ کی تیمارداری کرنی ہے ۔

نواز شریف کی ضمانت، حکومت کا موقف بھی آ گیا

واضح رہے نواز شریف کی ضمانت منظور کر لی گئی ، عدالت نے محفوظ فیصلہ سنا دیا، نواز شریف کی ضمانت طبی بنیادوں پر منظور کی گئی، ن لیگی رہنما عدالت میں موجود تھے، احاطہ عدالت کے باہر ن لیگی کارکنان بھی موجود تھے جنہوں نے فیصلہ آنے کے بعد نعرے بازی شروع کر دی اور قیادت کے حق میں نعرے لگائے ، نواز شریف کی ضمانت ایک کروڑ کے دو مچلکوں کے عوض منظور کی گئی

نواز شریف ضمانت منظور ہونے کے باوجود رہا نہیں ہو سکیں گے.اہم خبر