نوازشریف نے کس اہم شخصیت سے پیسے لئے؟ اے ٹی ایم کون تھا؟ وزیراعظم نے کھری کھری سنا دیں
باغی ٹی وی کی رپورٹ کے مطابق وزیراعظم عمران خان کی سربراہی میں پارٹی رہنماﺅں اورترجمانوں کااجلاس ہوا،
اجلاس میں فارن فنڈنگ ،سینیٹ الیکشن اورقبضہ مافیا کے خلاف ایکشن پر بریفنگ دی گئی ۔ وزیراعظم عمران خان نے اجلاس سے خطاب کرتے ہوئے کہا کہ پی ٹی آئی نے ممنوعہ فنڈنگ میں 40 ہزار سے زائد ڈونرزکی تفصیلات الیکشن کمیشن میں جمع کرا دی تھیں ،ممنوعہ فنڈنگ میں دوسری جانب سے کسی ڈونرز کی تفصیلات جمع نہیں کرائی گئی
وزیراعظم عمران خان کا کہنا تھا کہ ہمارا دامن صاف ہے کوئی غیرملکی فنڈنگ حاصل نہیں کی ،ن لیگ پیپلزپارٹی سمیت دیگر جماعتیں اب الیکشن کمیشن کو حساب دیں ۔ نوازشریف سیاست میں پیسہ لائے ،اسامہ بن لادن سے پیسے لئے ،قبضہ مافیا کے ذریعے نوازشریف اپنی اے ٹی ایم بنائی، کھوکھر برادران ن لیگ کے اے ٹی ایم ہیں ،
وزیراعظم عمران خان کا مزید کہنا تھا کہ لاہور میں قبضہ مافیا کیخلاف سخت اقدامات کیے جائیں، وزیراعظم کا مزید کہنا تھا کہ خیبرپختونخوا اپنے ہر شہری کو یونیورسل ہیلتھ کوریج دینے والا پہلا صوبہ بن گیا۔سینیٹ انتخابات شفاف بنانے کیلئے ترمیم کررہے ہیں،اپوزیشن ترمیم کی مخالفت کرکے خود کو بےنقاب کررہی ہے،پی ڈی ایم کے غبارے سے ہوا نکل چکی، ہمیں ان سے کوئی خطرہ نہیں،
قبل ازیں وزیراعظم عمران خان نے یونیورسل ہیلتھ کوریج پر خیبرپختونخوا حکومت کو مبارکباد دی ہے اور کہا کہ خیبرپختونخوا کے تمام شہریوں کیلیے یونیورسل ہیلتھ کوریج پر مبارکباد پیش کرتا ہوں۔
وزیراعظم عمران خان نے سماجی رابطے کی ویب سائٹ پر ٹویٹ کرتے ہوئے کہا کہ خیبرپختونخوا کے 4 کروڑ شہریوں کو ہیلتھ انشورنس کی سہولت دی گئی ہے، ہر خاندان خیبرپختونخوا کے 400 ہسپتالوں میں 10 لاکھ روپے تک کا علاج کرا سکے گا۔
