نوازشریف کے ایک اور منصوبے پر نالائق کے نام کی تختی لگائی گئی،مریم اورنگزیب
باغی ٹی وی کی رپورٹ کے مطابق مسلم لیگ ن کی ترجمان مریم اورنگزیب نے ہزارہ موٹروے کے حویلیاں تھاہ کوٹ سیکشن کی افتتاحی تقریب پر وزیراعظم عمران خان کے خطاب کے بعد پارٹی رد عمل دیتے ہوئے کہا کہ عمران صاحب آپ تو کہتے ہیں سب چور ہیں تو پھر چوروں کے منصوبوں کا افتتاح کیوں کر رہے ہیں۔عمران خان آج پورے ملک کی طرح آپ بھی نواز شریف کو دعا دیتے جس نے پاکستان کو ہزارہ موٹروے کا منصوبہ دیا، کسی کو بھی معاف کرنے والی ذات اللہ کی ہے۔ شہباز شریف سے حسد نے آپ کو ذہنی مریض بنا دیا ہے۔
موٹروے حویلیاں مانسہرہ سیکشن، وزیراعظم نے کیا افتتاح، مراد سعید نے مولانا پر لگایا الزام
مریم اورنگزیب کا مزید کہنا تھا کہ وزیراعظم صاحب شہباز شریف نے ہمیشہ خدمت کی سیاست کی ہے اور آپ نے نفرت کی جس کی نشانیاں دونوں کے چہروں سے عیاں ہے۔ عمران صاحب وہ لوگ کون ہیں اور کہاں ہیں جن کو آپ چھوڑیں گے نہیں۔آج نوازشریف کے ایک اور منصوبے پر نالائق کے نام کی تختی لگائی گئی۔ہزارہ موٹروے کی تعمیر کی تکمیل سے قائد محمد نوازشریف کا آج ایک اور خواب پورا ہو گیا۔ نواز شریف کے منصوبوں کا 100 سال بعد بھی افتتاح ہو گا تب بھی ن لیگ منصوبے ہی ہونگے۔
وزیر اعظم عمران خان نے 118 کلومیٹر طویل حویلیاں تھاکوٹ موٹر وے منصوبے کے 39.2 کلومیٹر طویل حویلیاں مانسہرہ سیکشن کا افتتاح کر دیا،۔ اس منصوبے کی تکمیل سے اسلام آباد اور مانسہرہ کے درمیان اڑھائی گھنٹے تک کم ہو جائے گا۔افتتاح کی تقریب میں وفاقی وزیر مراد سعید و دیگر بھی موجود تھے.
نیشنل ہائی وے اتھارٹی کی طرف سے جاری کئے جانے والے اعداد وشمار کے مطابق چار لائن کا یہ موٹر وے سی پیک کا حصہ ہے اور یہ پاکستان اور چین کے درمیان تجارت کا اہم ذریعہ ہو گی۔ اندازے کے مطابق رواں سال کے دوران اس موٹر وے کے ذریعے 10 ہزار گاڑیاں روزانہ سفر کریں گی جبکہ 2024ءمیں ان کی تعداد یومیہ بڑھ کر تقریباً21 ہزار اور 2029ءمیں 28 ہزار ہو جائے گی۔
کامیاب جوان پروگرام،20 روز میں کتنے لاکھ درخواستیں موصول ہوئیں؟ وزیراعظم کو بریفنگ
پاکستان میں داعش کا وجود نہیں، ہمسایہ میں داعش کی موجودگی پرتحفظات ہیں، پاکستان
مودی کے خلاف وزیراعظم عمران خان کا بڑا اعلان، کیا کہا؟ بھارت ہوا پریشان
حویلیاں مانسہرہ سیکشن 2.13 کلومیٹر طویل ٹوین ٹیوب، 7.91 کلومیٹر کے 47 پل، 9 فلائی اوورز، 143 انڈر پاسز، 4 ٹول پلازے، ایک سروس ایریا اور 2 ٹنلز پر مشتمل ہوگی۔ حویلیاں مانسہرہ سیکشن پر حویلیاں ، ایبٹ آباد اور مانسہرہ کے مقامات پر تین انٹرچینجز بنائے گئے ہیں ۔ اس کے علاوہ وادی ناران اور گلگت بلتستان کے لئے 2 رابطہ سڑکیں بھی اس میں شامل ہیں۔ موٹر وے کی تعمیر سے علاقہ میں سیاحتی سرگرمیوں کو فروغ حاصل ہو گا۔
