نوازشریف کی صحت کیسی؟ ڈاکٹرز نے کیا کہا؟ مریم اورنگزیب نے بتا دیا
نوازشریف کی صحت کیسی؟ ڈاکٹرز نے کیا کہا؟ مریم اورنگزیب نے بتا دیا
باغی ٹی وی کی رپورٹ کے مطابق مسلم لیگ ن کی ترجمان مریم اورنگزیب نے کہا ہے کہ نوازشریف کی صحت کے ساتھ سیاست کا خطرناک کھیل کھیلا جا رہا ہے،حکومت صورتحال کی سنگینی کا ادراک کرتے ہوئے جلد فیصلہ کرے،حکومت عدالت بننے کی کوشش کرکے عدلیہ کی توہین کررہی ہے،
نواز شریف ضمانت پر ہیں، حکومت کس چیز کی ضمانت مانگ رہی ہے؟ ن لیگ
نواز شریف کے ساتھ کتنے میں ڈیل ہوئی؟ مریم نواز کو جانے دیا جائیگا یا نہیں؟ شیخ رشید نے بتا دیا
نواز شریف کی طبیعت کیسی؟ کہاں سے علاج کروانا چاہتے ہیں، مریم نے اظہار کر دیا
مریم اورنگزیب کا مزید کہنا تھا کہ نوازشریف کی صحت پر غور کے لیے ڈاکٹرزکا ہنگامی اجلاس ختم ہوگیا،اسٹرائیڈز کی ہائی ڈوز دینے سے نوازشریف کی صحت پر منفی اثرات ظاہر ہورہےہیں ،نوازشریف کی طبی کیفیت کا جائزہ لینے کےلیے شام کو دوبارہ اجلاس ہوگا ،ڈاکٹرز نے نوازشریف کی صحت کی بگڑتی صورتحال پر ادویات میں ردوبدل کیا ہے.
وفاقی کابینہ نے نوازشریف کانام ای سی ایل سے نکالنے کے لیےمشروط منظوری دے دی،سابق وزیراعظم نوازشریف کوسیکیورٹی بانڈ جمع کرانا ہوگا، کابینہ کا اجلاس وزیراعظم عمران خان کی زیر صدارت ہوا جس میں نواز شریف کا نام ای سی ایل سے نکالنے کی مشروط منظوری دی گئی، کابینہ اجلاس میں کئی وزرا نے نواز شریف کا نام ای سی ایل سے نکالنے کی مخالفت بھی کی.
واضح رہے کہ نواز شریف نیب کے پاس جسمانی ریمانڈ پر تھے جب ان کی طبیعت خراب ہوئی اور سروسز ہسپتال منتقل کیا گیا، بعد ازاں لاہورہائیکورٹ نے نواز شریف کی چوھدری شوگر ملز کیس میں ضمانت منظور کی، اسلام آباد ہائیکورٹ نے نواز شریف کی العزیزیہ ریفرنس کیس میں سزا آٹھ ہفتوں کے لئے معطل کی، نواز شریف سروسز سے گھر منتقل ہو چکے ہیں جہاں ان کا علاج جاری ہے، نواز شریف کے بھائی شہباز شریف نے نواز شریف کا نام ای سی ایل سے نکالنے کی درخواست دے رکھی ہے، ابھی تک نام نکالنے کا فیصلہ نہ ہو سکا، نواز شریف کی لندن کی ٹکٹ بک تھی جسے منسوخ کروا دیا گیا.
Leave a reply
