سابق وزریاعظم نواز شریف آج بیلا روس روانہ ہوں گے، وزیراعلیٰ مریم نواز اور وزیراعظم شہباز شریف بھی ہمراہ ہوں گے
پنجاب کی سینئر وزیر مریم اورنگزیب نے تصدیق کی ہے کہ پاکستان مسلم لیگ (ن) کے صدر اور سابق وزیر اعظم محمد نواز شریف آج بیلا روس روانہ ہو رہے ہیں۔ ان کے ہمراہ وزیراعظم شہباز شریف اور وزیراعلیٰ پنجاب مریم نواز بھی ہوں گی۔مریم اورنگزیب نے اپنے ایک بیان میں کہا کہ یہ دورہ بیلا روس کے صدر کی خصوصی دعوت پر ہو رہا ہے، جس کا مقصد دونوں ممالک کے درمیان باہمی تعلقات کو فروغ دینا اور اقتصادی و تجارتی تعاون کے نئے مواقع تلاش کرنا ہے۔انہوں نے مزید کہا کہ اس اعلیٰ سطحی وفد میں اہم سرکاری و سیاسی شخصیات بھی شامل ہوں گی، جو بیلا روس کے مختلف حکومتی و تجارتی نمائندوں سے ملاقاتیں کریں گے۔مریم اورنگزیب کے مطابق اس دورے کے دوران تعلیم، صنعت، زراعت، اور توانائی کے شعبوں میں مفاہمتی یادداشتوں پر دستخط بھی متوقع ہیں۔
واضح رہے کہ یہ پہلا موقع ہے کہ نواز شریف اور مریم نواز بیک وقت کسی غیر ملکی سرکاری دورے پر جا رہے ہیں، جسے سیاسی و سفارتی حلقوں میں خاصی اہمیت دی جا رہی ہے۔
