اسلام آباد( رپورٹ شہزاد قریشی)
نواز شریف محسن پاکستان ہیں۔ ذوالفقار علی بھٹو کے بعد پاکستان کو مضبوط اور ترقی یافتہ بنانے میں کردار ادا کیا تووہ میاں محمد نواز شریف ہی ہیں۔ موٹر ویز ،میٹرو بسیں اور رینج ٹرین۔ مضبوط دفاعی نظام ۔ تعلیم صحت میں منصوبہ بندی ، لوڈ شیڈنگ، دہشت گردی سے نجات سمیت صنعتی اور معاشی ترقی کے اقدامات اگر دھرنا کلچر سازسوں کے ذریعے نواز شریف کو اقتدار سے علیحدہ نہ کیا جاتا تو سی پیک کی تکمیل کے بل بوتے پر ملک کی تقدیر کچھ اور ہوتی ۔ غربت افلاس بے روزگاری اور معاشی بدحالی کے اندھیرے چھٹ چکے ہوتے۔ بلاشبہ مریم نوازاپنے والد کی طرح پنجاب میں عوام کی فلاح اور معاشی استحکام کاشروع کر چکی ہیں۔
لیکن صد افسوس کہ رمضان پیکج کے تحت تقسیم ہونے والی آٹے کی تھیلوں پر میا ں محمد نواز شریف کی تصویر لگا کر محسن پاکستان نواز شریف جنہوں نے ایٹمی دھماکے کئے ان کی بے توقیری کی جا رہی ہے نواز شریف کی مقبولیت آٹے کے تھیلے پر فوٹو کی محتاج نہیں ہے۔ نہ نواز شریف کا وژن ایسی سستی شہرت ہے نہ نواز شریف کا قد کاٹھ اتنا چھوٹا ہے کہ اُن کو اس طرح کے حربوں کے ذریعے عوام کی فلاح کے منصوبوں پر ذاتی تشہیر کا سہارا لینا پڑے۔ ضرورت اس امر کی ہے کہ نواز شریف کی پنجاب میں سرگرم ٹیم ہوش کے ناخن لیں چاپلوس بیورو کریٹس کے خوشامدی حربوں سے چوکنا رہنا ہوگا۔ یہی بیورو کریسی تھی جنہوں نے تقرریوں اور تبادلوں میں کروڑوں روپے کھائے خوشامدی حربوں کے ذریعے میاں محمد نواز شریف کی بے لوث خدمت انتھک مخلصانہ کوششوں کو ٹھیس پہنچانے کے درپے ہیں۔ وزیراعلیٰ پنجاب مریم نواز کو ان خوشامدی ٹولے سے بچ کررہنا ہوگا۔
