نواز شریف کا ایجنڈ پورا ہوئے بغیر نہیں رہ سکتا،نوازشریف

لاہور: پاکستان مسلم لیگ ( ن ) کے قائد نوازشریف نے کہا ہے کہ میرے کیسوں پر مانیٹرنگ جج بن کے بیٹھا ہوا تھا، اب وہ استعفے دے چکا ہے اور نواز شریف آپ کے سامنے کھڑا ہے۔

باغی ٹی وی:لاہور انارکلی میں انتخابی جلسے سےخطاب کرتےہوئے نواز شریف نےکہا کہ مجھےفخر ہے کہ میں نے اپنی بہن بھائیو ں کی بھر پور خدمت کی ہے، اگر میں نے کچھ نہ کیا ہوتاتو آپ مجھ سے اس طرح عشق نہ کر رہےہوتےآپ بھی جانتے ہیں نواز شریف بے قصور تھا، سزائیں دینے والےایک ایک کر کے رخصت ہو گئےچند ماہ بعد چیف جسٹس بننے والا جج بھی چلا گیا، وہ کیوں چلا گیا کیونکہ دال میں کچھ کالا تھا۔

نوازشریف نے کہا کہ وہ ( جج ) میرے کیسوں پر مانیٹرنگ جج بن کے بیٹھا ہوا تھا، اب وہ استعفے دے چکا ہے اور نواز شریف آپ کے سامنے کھڑا ہے میرا دل چاہتا ہے کہ میں آپ کے لیے وہ سب کچھ کروں جس کی آپ مجھ سے توقع کرتے ہیں، پہلے بھی میں نے خلوص کے ساتھ کوشش کی اور آئندہ بھی کوئی کسر نہیں چھوڑوں گا۔

اسٹیٹ بینک کا شرح سود 22 فیصد پر برقرار رکھنے کا …

انہوں نےمزید کہا کہ سوال ہے کہ نواز شریف تھا تو گھروں میں سکون تھا، مہنگائی کا کوئی نام و نشان نہیں تھا، ہر چیز سستی تھی، آج روٹی 20 اور نان 25 سے 30 روپے کا ہو چکا ہےانہوں نےاستفسار کیا کہ اس زمانےکو کون کہاں لےگیا، اس زمانے کو واپس لانا ہے، آپ کے گھروں کو دوبارہ بسانا ہےنوجوانوں کو روزگار دینا ہے اور ان کے باعزت مستقبل کو سنوارنا ہے، سبز پاسپورٹ کی عزت بحال کروانی ہے۔

قائد ن لیگ نےکہا کہ نواز شریف کا ایجنڈ پورا ہوئے بغیر نہیں رہ سکتا، نوازشریف کی چھٹی نہ کرائی جاتی تو آپ بیروزگار نہ ہوتے، آپ میں سے کوئی بھی بیروزگار نہ ہوتا،ہر گھرانہ خوشحال ہوتا، ہم بہت پیچھے رہ گئے ہیں نواز شریف کی چھٹی نہ کروائی جاتی تو کوئی بےروزگار نہ ہوتاہم بہت پیچھےرہ گئے ہیں ہم نے بہت زخم کھائے ہیں آپ نےمسلم لیگ ن کا ساتھ دینا ہےہم اس ملک و قوم کو اپنے پیروں پر کھڑا کریں گےاور یہ دنیا کی خوشحال ترین قوم بنے گی-

این اے 119،بڑے دعوے لیکن پھر مریم نواز کے مقابلے سے صنم جاوید” فرار”

دوسری جانب مسلم لیگ (ن) کی چیف آرگنائزر مریم نواز نے کہا ہے کہ نواز شریف اپنی خاطر نہیں صرف قوم کی خاطر الیکشن لڑنا چاہتے ہیں کہ قوم اس وقت مسائل سے دو چار ہے، نواز شریف کو بیٹے سے تنخواہ نہ لینے پر نااہل کیا گیا، نواز شریف قوم کا خدمت گزار ہے نواز شریف جب آتا ہے تو مہنگائی کم ہوتی ہے ملک ترقی کرتا ہے آٹا سستا ہوتا ہے۔

انہوں ںے کہا کہ ہمارا کسی سیاسی جماعت سے مقابلہ نہیں، ہم نومئی والے نہیں 28 مئی والے لوگ ہیں دونوں تاریخوں میں بڑی تاریخ موجود ہے، جو ظلم اور جبر زیادتی ہمارے ساتھ ہوئی وہ کسی کے ساتھ نہیں ہوئی، اگر ہم آج بھی الیکشن لڑنا چاہتے ہیں تو صرف قوم کی خاطر، تکلیف ہے تو صرف مہنگائی کی، بجلی کے زائد بلوں کی، لاہور میں پانچ سال گھس بیٹھیے آگئے جنہوں نے لاہور کو تباہ کردیا، جب ہماری حکومت تھی تو لاہور میں ہر سال نیا منصوبہ آتا تھا اب یہاں کا کوئی پرسان حال نہیں، عوام مجھے سے وعدہ کریں کہ انتخابات میں کوئی گھر میں نہیں بیٹھے گا اور نواز شریف کو ووٹ ڈالیں گے۔

مشیر ہوا بازی کی عراقی سفیر سے ملاقات، فضائی نقل و حمل کے مختلف امور …