این سی بی کا شاہ رخ خان کے گھر چھاپہ مارنے کی خبر کی تردید
بالی ووڈ اداکار شاہ رخ خان کے گھر پر بھارت نارکوٹکس کنٹرول بیورو کے چھاپہ مارنے کی خبریں میڈیا پر گردش کر رہی ہیں جس کی ایجنسی نے تردید کی ہے-
باغی ٹی وی : بھارتی میڈیا رپورٹس کے مطابق شاہ رخ خان کے گھر چھاپے سے متعلق بھارتی نارکوٹکس کنٹرول بیورو کے زونل ڈائریکٹر نے بیان جاری کیا ہے ڈائریکٹر این سی بی کے مطابق شاہ رخ خان کے گھر پر سرچ آپریشن نہیں کیا گیا، ٹیم شاہ رخ خان کی بیٹے سے جیل میں ملاقات کے بعد ان کےگھر آریان خان سے متعلق کاغذات لینے گئی تھی۔
Mumbai | A team of Narcotics Control Bureau (NCB) is currently present at actor Shah Rukh Khan's residence 'Mannat'
Earlier today, Shah Rukh Khan met son Aryan at Arthur Road Jail
Bombay High Court to hear Aryan Khan's bail application on 26th October pic.twitter.com/SyzoWVi9UL
— ANI (@ANI) October 21, 2021
بھارتی نارکوٹکس کنٹرول بیورو کے ڈی ڈی جی اشوک مہتا جائیں نے کہا کہ این سی بی ٹیم کا شاہ رخ خان کے گھر جانا دفتری ضروریات کا حصہ تھا این سی بی کی ایک ٹیم نے کاغذی کارروائی مکمل کرنے کے لیے شاہ رخ کے گھر ’منّت‘ کا دورہ کیا نا کہ کسی قسم کی تلاشی لینے کے لیے چھاپہ مارا ہے۔
واضح رہے کہ ممبئی کروز شِپ کیس میں گرفتار بالی ووڈ کنگ شاہ رخ خان کے بیٹے آریان خان کی ضمانت کی درخواست پر ممبئی ہائی کورٹ میں 26 اکتوبر بروز منگل کو سماعت ہوگی ممبئی کی عدالت کی جانب سے آریان خان کی درخواستِ ضمانت چار بار مسترد کی گئی ہے اور اسی وجہ سے اب اُن کے وکیل نے ممبئی ہائی کورٹ سے رجوع کیا ہے۔
گزشتہ روزممبئی کی خصوصی عدالت کی جانب سے آریان خان کی ضمانت کی درخواست مسترد کرنے کے بعد شاہ رخ خان نے آج صبح آرتھر روڈ جیل میں اپنے بیٹے سے ملاقات کی شاہ رخ خان نے آریان خان سے جیل میں انٹر کوم سے 18 منٹ تک بات کی۔
ادھر بھارت کے انسدادِ منشیات ادارے نارکوٹکس کنٹرول بیورو (این سی بی) کی جانب سے بالی ووڈ اداکارہ اننیا پانڈے کے گھر بھی چھاپہ مارا گیا ہے جس کے بعد چنکی پانڈے کی بیٹی کو بھی منشیات کیس میں طلب کر لیا گیا ہے۔