نیکٹا کے نیشنل کوآرڈینیٹر محمد طاہر رائے کو عہدے سے ہٹا دیا گیا
![](https://baaghitv.com/wp-content/uploads/2024/08/RAI-TAHIR-905x613.jpeg)
اسلام آباد: نیشنل کاؤنٹر ٹیررازم اتھارٹی (نیکٹا) کے نیشنل کوآرڈینیٹر محمد طاہر رائے کو ان کے عہدے سے ہٹا دیا گیا ہے۔ پولیس سروس کے گریڈ 21 کے آفیسر محمد طاہر رائے دو سال سے نیکٹا کے نیشنل کوآرڈینیٹر کے طور پر فرائض انجام دے رہے تھے۔ ان کی برطرفی کا نوٹیفکیشن اسٹیبلشمنٹ ڈویژن کی جانب سے جاری کیا گیا ہے۔
اسٹیبلشمنٹ ڈویژن کی جانب سے جاری کردہ نوٹیفکیشن کے مطابق محمد طاہر رائے کا تبادلہ حکومت کی منظوری کے بعد کیا گیا ہے۔ انہیں اسٹیبلشمنٹ ڈویژن میں آفیسیر آن اسپیشل ڈیوٹی (OSD) کے طور پر تعینات کیا گیا ہے۔ نوٹیفکیشن میں یہ بھی کہا گیا ہے کہ ان کی خدمات اب اسٹیبلشمنٹ ڈویژن کے سپرد کر دی گئی ہیں، جہاں وہ اپنی نئی ذمہ داریاں سنبھالیں گے۔
محمد طاہر رائے ایک سینئر پولیس افسر ہیں جن کا تعلق گریڈ 21 سے ہے۔ وہ اپنے پیشہ ورانہ کیریئر میں مختلف اہم عہدوں پر فائز رہے ہیں اور انسداد دہشت گردی کے حوالے سے گہری معلومات رکھتے ہیں۔ نیکٹا میں اپنی تعیناتی کے دوران، انہوں نے دہشت گردی کے خاتمے کے لیے مختلف اقدامات کیے اور نیکٹا کی کارکردگی کو بہتر بنانے کے لیے متعدد اصلاحات متعارف کرائیں۔