چینی نژاد کرپٹو کرنسی کے بانی نے نیلامی میں خریدا کیلے کا آرٹ ورک کھا لیا۔
باغی ٹی وی : غیر ملکی میڈیا کے مطابق اطالوی فنکار موریزو کیتلان نے آرٹ گیلری کی دیوار پر تازہ کیلے کو ٹیپ سے چپکایا تھا جسے آرٹ ورک کہا جا رہا تھا،اس آرٹ ورک کی نیلامی بھی ہوئی جسے ایک چینی نژاد کرپٹو کرنسی کے بانی جسٹن سن نے پونے دو ارب روپے پاکستانی میں خریدا تھا،کرپٹو ٹائکون جسٹن سُن نے 62 لاکھ ڈالر (پاکستانی1 ارب 72 کروڑ اور 50 لاکھ روپے) میں خریدے فن پارے (جس میں دیوار پر ٹیپ سے کیلا چپکا ہوا ہے) کا کیلا کھانے کا وعدہ پورا کر دیا۔
غیر ملکی میڈیا کے مطابق ہانگ کانگ کے ایک ہوٹل میں جسٹن سُن نے درجنوں صحافیوں اور انفلوئنسرز کی موجودگی میں فن پارے سے متعلق گفتگو کی اس خیالی فن اور کرپٹو کرنسی کے درمیان مشابہت واضح کرنے کے بعد انہوں نے کیلا کھا لیا پہلا نوالہ لینے کے بعد جسٹن کا کہنا تھا کہ اس کا ذائقہ دیگر کیلوں سے کافی الگ اور بہتر ہے،’کامیڈین‘ نامی یہ فن پارہ اطالوی فن کار ماوریزیو کیٹیلان نے بنایا تھا جو گزشتہ ہفتے نیویارک کے نیلام گھر سوتھبیز میں فروخت ہوا، نیلامی میں جسٹن کے ساتھ سات مزید بولی لگانے والے موجود تھے۔
انہوں نے بتایا کہ بولی جیتنے کے ابتدائی 10 سیکنڈ تک وہ غیر یقینی کے حالت میں رہے بعد ازاں انہوں نے محسوس کیا کہ اس سے کچھ بڑا کیا جاسکتا ہےاور پھر انہوں نے یہ فیصلہ کیا کہ وہ یہ کیلا کھا جائیں گے۔
میڈیا رپورٹس کے مطابق گزشتہ ہفتے نیلامی جیتنے کے فوراً بعد مسٹر سن نے پھل کھانے کے اپنے منصوبے کا اعلان کیا تھا تاکہ اسے آرٹ ورک کی تاریخ کا حصہ بنایا جا سکے یہ صرف ایک آرٹ ورک نہیں ہے، یہ ایک ثقافتی رجحان کی نمائندگی کرتا ہے جو آرٹ، میمز اور کرپٹو کرنسی کمیونٹی کی دنیا کو جوڑتا ہے۔
میڈیا رپورٹس کے مطابق جمعے کے روز ہونے والی تقریب میں ہر ایک شرکا کو ایک کیلا اور ڈکٹ ٹیپ کا رول سووینئر کے طور پر دیا گیا-
