نہیا ککڑ کے ہاں ننھے مہمان کی آمد متوقع ہے؟

بھارتی معروف گلوکارہ 32 سالہ نیہا ککڑ نے ساتھی گلوکار روہن پریت سنگھ سے رواں برس 24 اکتوبر کو شادی کی تھی۔

باغی ٹی وی : اب دونوں نے انسٹاگرام پر ایک ایسی مبہم تصویر شیئر کی ہے جس سے دونوں بھارت سمیت پاکستان اور متحدہ عرب امارات (یو اے ای) میں سوشل میڈیا پر ٹرینڈ کر رہے ہیں۔

گلوکارہ نیہا ککڑ نے انسٹاگرام پر ایک تصویرپوسٹ کی ہے جس میں انہیں بظاہر اُمید سے دیکھا جا سکتا ہےجبکہ تصویر میں نیہا ککڑ کے ساتھ ان کے شوہر روہن پریت سنگھ بھی مسکراتے ہوئے دکھائی دے رہے ہیں۔

تصویر میں بظاہر نیہا ککڑ کم از کم 4 سے 5 ماہ کے حمل سے دکھائی دے رہی ہیں۔

گلوکارہ نے تصویر کو شیئر کرتے ہوئے ہیش ٹیگ میں ’خیال رکھیا کر‘ لکھا-

نیہا کی جانب سے تصویر شیئر کیے جانے کے بعد ان کے شوہر روہن پریت سنگھ سمیت گلوکارہ کے بھائی گلوکار ٹونی ککڑ سمیت دیگر شوبز شخصیات نے بھی مبارک باد کے کمنٹس کیے۔

گلوکارہ کے شوہر روہن پریت سنگھ نے کمنٹ کیا کہ اب تو زیادہ خیال رکھنا پڑے گا-

جبکہ ٹونی ککڑ نے خوشی والی ایموجیز شئیر کرتے ہوئے لکھا کہ یعنی کہ میں ماما بن جاؤں گا-

گلوکارہ کی جانب سے مبہم تصویر شیئر کیے جانے پر بھارتی میڈیا نے اپنی خبروں میں بتایا کہ نیہا ککڑ حمل سے ہیں، کیوں کہ اہم شخصیات نے انہیں مبارک باد بھی دی ہے۔

انڈین ایکسپریس نے اپنی رپورٹ میں بتایا کہ میوزک پروگرام انڈین آئڈول کے ذرائع کے مطابق نیہا ککڑ اور ان کے شوہر روہن پریت سنگھ جلد ہی ’خیال رکھیا کر‘ نامی میوزک ویڈیو میں دکھائی دیں گے۔

تاہم اس حوالے سے تصدیقی طور پر کچھ نہیں کہا جا سکتا، کیوں کہ تاحال نیہا ککڑ اور روہن پریت سنگھ نے خود کوئی وضاحت نہیں کی۔

دونوں نے شادی سے قبل بھی مشترکہ طور پر اپنی شادی سے متعلق ایک گانا ’نیہا دا وواہ‘ بھی ریلیز ہوا تھا جس میں نہ صرف دونوں نے آواز کا جادو جگایا تھا بلکہ دونوں ماڈلنگ اور رومانس بھی کرتے دکھائی دیے تھے۔

شادی سے قبل ایک ساتھ گانا جاری کرنے کے فوری بعد دونوں نے شادی کرلی تھی اور اب خبریں سامنے آ رہی ہیں کہ دونوں جلد ’خیال رکھیا کر‘ نامی گانے میں بھی دکھائی دیں گے۔

ساتھ ہی چہ مگوئیاں ہیں کہ جس طرح انہوں نے شادی سے قبل گانا جاری کیا تھا، اسی طرح عین ممکن ہے کہ وہ حمل کی تصدیق سے قبل گانا جاری کریں اور بعد ازاں اپنے ہاں پہلے بچے کی متوقع پیدائش سے متعلق اعلان کریں-

تاہم بعد میں گلوکارہ نے سسپنس کو توڑتے ہوئے مذکورہ بالا تصویر کا ہی پوسٹر شئیر کرتے ہوئے اعلان کیا کہ ان کا خیال رکھیا کر گانا 22 دسمبر کو ریلیز ہونے والا ہے-

جس پر صارفین نے سوالات کر رہے ہیں ایک صارف نے پوچھا کہ کوئی بتائے گا یہ سچ مچ میں امید سے ہیں یا گانے کے لئے بنی ہیں-