گھارو: قومی عوامی تحریک کی نئی باڈی تشکیل پاگئی

ٹھٹھہباغی ٹی وی ( نامہ نگار راجہ قریشی)گھارومیں عوامی تحریک کی نئی باڈی تشکیل پاگئی
تفصیل کے مطابق گھارو قومی عوامی تحریک یونٹ کا سال نو کا اجلاس اور باڈی کی تشکیل سازی کا انعقاد ہوا۔ اجلاس شبیر بھٹی کی زیر صدارت منعقد ہوا جس میں خصوصی طور پر قومی عوامی تحریک کے مرکزی رابطہ سیکریٹری کاشف خاصخیلی مرکزی رہنماء یاسر جاکھرو، ضمیر لغاری، ساجد عارفانی، دانش خاصخیلی، ودیگر نے شرکت کی اجلاس میں قومی تحریک یونٹ کی اکثریت رائے سے باڈی تشکیل دی گئی جس میں صدر نور علی بٹ، جنرل سیکریٹری سلمان علی، نائب صدر بابر بٹ، رابطہ سیکریٹری شبیر چنا، خزانچی قادر بٹ، آفس سیکریٹری مصطفیٰ عارفانی، اور ممبران عرس علی بابو بٹ، دل خان بٹ، کو منتخب کیا گیا جبکہ اجلاس کے آخر میں ملک میں بڑھتی ہوئی مہنگائی بیروزگاری اور ضلع بھر میں بڑھتی ہوئی منشیات فروشی جس کی وجہ سے نوجوان نسل تباہی کے دہانے پر پہنچ چکی ہے اور اس کے خلاف 11 فروری کو گھارو میں ایک احتجاجی ریلی نکالنے کا بھی اعلان کیا گیا۔