ایف بی آر نے ملکی ڈیجیٹل معیشت کو ٹیکس نیٹ میں لانے کے لیے انکم ٹیکس رولز 2002 میں ترامیم کا مسودہ جاری کر دیا۔
ایس آر او کے مطابق آن لائن کاروبار کرنے والے اداروں کو ہر ماہ مالیاتی رپورٹ جمع کرانا ہوگی۔ اس مقصد کے لیے فارم اے 1 اور فارم اے 2 پر مالی تفصیلات بمعہ این ٹی این اور ماہانہ بینک اکاؤنٹ کھاتوں کے ساتھ جمع کروانا لازمی ہوگا۔آن لائن کاروباری اداروں کو فروخت کنندہ کا نام، پتہ اور انوائس نمبر فراہم کرنا ہوگا۔ ملک بھر کی کوریئر سروس کمپنیوں کو بھی ہر سہ ماہی پر مالی تفصیلات ایف بی آر کو دینا ہوں گی جس کے لیے فارم ون جاری کیا گیا ہے۔
ایس آر او کے مطابق آن لائن مالی خدمات فراہم کرنے والی کمپنیوں کو علیحدہ فارم میں سروسز پر ٹیکس کی تفصیلات دینا ہوں گی جبکہ آن لائن کاروبار کرنے والے اداروں کو ٹیکس تفصیلات جمع کراتے وقت حلفیہ بیان بھی دینا ہوگا۔اسٹیک ہولڈرز کو ہدایت کی گئی ہے کہ وہ اس ترمیم شدہ ڈرافٹ پر سات روز میں اپنی آرا جمع کرا سکیں۔
سہ ملکی ٹی ٹوئنٹی سیریز، افتتاحی میچ میں پاکستان کی بیٹنگ جاری
