سیالکوٹ،باغی ٹی وی(سٹی رپورٹر شاہد ریاض) معروف سیاسی وسماجی راہنما کی کاوشوں سے یو سی 22 بن میں بجلی کا نیاٹرانسفارمرنصب
معروف سیاسی وسماجی راہنما یو سی 22 بن حاجی پورہ فرقان طاہر کی کاوشوں سے بجلی کے نئےٹرانسفارمر کو نصب کر دیا گیا حاجی پورہ کے عوام نے فرقان طاہر کی کاوشوں کو زبردست خراج تحسین پیش کرتے ہوئے کہا کہ فرقان طاہر نے اپنے والد طاہر سرفراز قریشی کے نقش قدم پر چلتے ہوئے خدمت کے دائرے کو وسیع سے وسیع تر بنا دیا ہے بن حاجی پورہ سلائی سکول کے قریب پورے علاقے کا بڑا ٹرانسفارمر جل جانے کے باعث بن حاجی پورہ کے عوام نہایت پریشان تھے
گرمی کی شدت میں بچوں اور بزرگوں سمیت ہر فرد کا بجلی کی بندش نے جینا محال کر لیا تھا ایسی صورتحال میں فرقان طاہر نے بھرپور جدوجہد کرتے ہوئے چند گھنٹوں میں ٹرانسفارمر نصب کروا کے ہمارے دل جیت لیے ہیں اس موقع پر اپنے پیغام میں فرقان طاہر نے گفتگو کرتے ہوئے کہا کہ بن حاجی پورہ کے عوام کے لیے بھرپور خدمات کرتے رہیں گے ہمارا ایمان ہے کہ جو لوگ خدمت میں پیش پیش رہتے ہیں اللہ تعالی ان کے لیے راہیں ہموار کر دیتا ہے ہم اپنے علاقے کی فلاح و بہبود اور ترقی کے لیے دن رات جدوجہد اور خدمت کرتے رہے گے
