نگران وزیر اعلیٰ خیبرپختونخوا جسٹس ریٹائرڈ ارشد حسین شاہ کی عبدالولی خان یونیورسٹی کا دورہ

نگران وزیر اعلیٰ خیبرپختونخوا جسٹس ریٹائرڈ ارشد حسین شاہ کی عبدالولی خان یونیورسٹی کا دورہ کیا ہے، یونیورسٹی میں ایم ڈی کیٹ کے لئے قائم سنٹر میں انتظامات کا جائزہ لیا ،
دورے کے موقع پر متعلقہ حکام کی نگران وزیر اعلیٰ کو ایم ڈی کے لیے کیے گئے انتظامات بارے بریفنگ دی گئی، بریفنگ میں بتایا گیا ہے کہ ایم ڈی کیٹ کے صاف و شفاف انعقاد کے لیے فول پروف انتظامات کیے گئے ہیں ، ایم ڈی کیٹ کے لئے مردان سنٹر میں کل 5443 امیدوار رجسٹرڈ ہیں، بریفنگ کے مطابق
امتحانی مرکز کے احاطے میں کسی بھی غیر متعلقہ شخص کا داخلہ منع ہے، اسکے علاوہ امتحانی مرکز کے احاطے میں موبائل فونز اور گھڑیوں سمیت ہر قسم کی ڈیوائسز پر پابندی عائد کی گئی ہے ، بریفنگ میں مزید کہا گیا کہ امیدوارں اور امتحانی عملے کی مکمل باڈی سرچ کی گئی ہے ، امتحانی مراکز کے احاطے میں موبائل سگنلز بند کیے گئے ہیں ، اسکے علاوہ امتحانی سنٹر میں درکار تعداد میں نگران عملے کی تعیناتی یقینی بنائی گئی ہے، بریفنگ میں بتایا گیا ضلعی انتظامیہ کی جانب سے ایم ڈی کیٹ کے دوران برقی آلات اور دیگر گیجٹس کے استعمال پر دفعہ 144 کے تحت پہلے ہی پابندی لگائی گئی ہے، واضح رہے کہ صوبے میں اس پہلے ایم ڈی کیٹ ٹیسٹ کے دوران بڑے پیمانے پر نقل کی وجہ سے معطل کر دئے تھے تاہم اس دفعہ سخت سے سخت اقدامات کر کے امتحانات کع شفاف طریقے سے کرنے کو یقینی بنایا جا رہا ہے،