لاہور:نگران وزیر اعلیٰ پنجاب محسن نقوی سے اٹلی کے سفیر اینڈریاس فیراریز نے ملاقات کی ہے۔
باغی ٹی وی : ملاقات میں ثقافت، سیاحت اور باہمی تجارت کے شعبوں میں تعاون بڑھانے پر تبادلہ خیال کیا گیا، اس موقع پر محسن نقوی نےکہا کہ باہمی تعلقات کو مفید معاشی پارٹنرشپ میں بدلنےکا وقت آگیا ہے تجارتی و ثقافتی وفود کے باہمی تبادلوں سے تعلقات کو نئی جہت ملے گی، پنجاب میں سرمایہ کاروں کیلئے ون ونڈو آپریشن شروع کر رہے ہیں، اٹالین انویسٹر ز کے لئے یہاں انویسٹمنٹ کے مواقع موجود ہیں-
https://x.com/GovtofPunjabPK/status/1731298468189339769?s=20
نگران وزیر اعلیٰ پنجاب محسن نقوی نے جی ایس پی پلس اسٹیٹس کے لئے اٹلی کی سپورٹ پر سفیر کا شکریہ ادا کیا،جبکہ اطالوی سفیر نے کہا کہ ’پنجاب حکومت کے ساتھ مختلف شعبوں میں جاری تعاون کو فروغ دیں گے۔
