اسلام آباد: نگران وزیراعظم انوارالحق کاکڑ نے کہا ہے کہ عوام انتخابات میں اپنے نمائندے منتخب کریں گے، ہم تیار ہوں یا نہ ہوں، عوام نے فیصلہ کرنا ہے۔
باغی ٹی وی: نجی ٹی وی کے پروگرام میں بات کرتے ہوئے نگراں وزیراعظم انوارالحق کاکڑ کا کہنا تھا کہ نگران حکومت ملک میں بہتری کیلئے اقدامات کر رہی ہے، عوام انتخابات میں اپنے نمائندے منتخب کریں گے، ہم تیار ہوں یا نہ ہوں، عوام نے فیصلہ کرنا ہے۔
انوارالحق کاکڑ نے کہا کہ نگران حکومت کےدور میں بھی فوجی ٹرائل ہو سکتا ہے جبکہ بانی پی ٹی آئی کے ذاتی طور پر 9 مئی کے واقعات میں ملوث ہونے کےسوال پر انھوں نےکہا کہ ابھی تک میرے پاس ایسی کوئی معلومات نہیں کہ اس پر رائے قائم کر سکوں، رائے قائم کرنے سے قبل سمجھتاہوں یہ عدالتی عمل ہے،انٹیلیجنس رپورٹس مختلف ہوتی ہیں، اس بنیاد پر جزا اور سزا کا تعین نہیں کر سکتے–
اسرائیل حزب اللہ کے ساتھ جنگ جیتنے میں کامیاب نہیں ہو گا،امریکی انٹیلیجنس
انہوں نے کہا کہ بہت سے لوگ 9 مئی کے واقعات کے بعد روپوش ہیں، جب تک قانون کے سامنے سرنڈرنہیں کریں ان کی سیاسی سرگرمیوں میں قانونی رکاوٹیں آئیں گی، پی ٹی آئی کے روپوش رہنماؤں سے متعلق بات کرتے ہوئے انہوں نے کہا کہ ان لوگوں کو خود فیصلہ کرنا ہے کہ کون سی رائے اپنانی ہے۔
