اسلام آباد: نگران وزیرِاعظم انوار الحق کاکڑ 2روزہ دورے پر کویت پہنچ گئے۔
باغی ٹی وی : ایوان وزیراعظم کے مطابق کویت پہنچنے پر کویت کے وزیرِ بجلی، پانی و قابل تجدید توانائی ڈاکٹر جاسم محمد عبداللہ الاستاد نے وزیرِ اعظم کا پرتپاک استقبال کیا۔ اس موقع پر پاکستان کے کویت میں سفیر ملک محمد فاروق اور دونوں ممالک کے اعلی سفارتی اہلکار بھی موجود تھےدورے کے دوران وزیرِ اعظم ولی عہد کویت شیخ مشعل الاحمد الجابر الصباح اور وزیرِ اعظم شیخ احمد النواف الاحمد الصباح سے ملاقات کریں گے۔
https://x.com/PakPMO/status/1729526365580407043?s=20
نگراں وزیرِ اعظم کا دورہ کویت دونوں ممالک کے مابین اقتصادی و معاشی تعاون کے نئے دور کا آغاز ہوگا جس میں افرادی قوت، انفارمیشن ٹیکنالوجی، معدنیات و کان کنی، غذائی تحفظ، توانائی اور دفاع کے شعبوں میں باہمی تعاون کی مفاہمتی یادداشتوں پر دستخط ہوں گے۔
نگران وزیراعظم اور بل گیٹس کے درمیان ٹیلی فونک رابطہ
https://x.com/PakPMO/status/1729549824926589418?s=20
اس سے قبل نگراں وزیراعظم متحدہ عرب امارات (یو اے ای) کا دورہ مکمل کرکے ابوظہبی کے البطین ہوائی اڈے سے کویت سٹی کے لیے روانہ ہوئے تھے،یو اے ای کے وزیر توانائی سہیل محمد المزروعی اور پاکستانی سفارتی عملے نے انوار الحق کاکڑ کو رخصت کیا تھا۔
