گوجرانوالہ:36 گھنٹے بعد نالے سے نکاح خواں کی لاش برآمد

گوجرانوالہ(باغی ٹی وی)سیوریج نالے میں گرنے والے نکاح خواں کی لاش 36 گھنٹے بعد برآمد

تفصیل کے مطابق مکی روڈ پر واقع ایک سیوریج نالے میں گرنے والے نکاح خواں کی لاش 36 گھنٹوں کی طویل تلاش کے بعد برآمد کر لی گئی ہے۔ ریسکیو اہلکاروں نے لاش کو حادثے کی جگہ سے تقریباً ڈھائی کلومیٹر دور سے نکالا ہے۔

ابتدائی رپورٹس کے مطابق، نکاح خواں شادی ہال کے باہر نالے میں پاؤں پھسلنے سے گر گئے تھے۔ جاں بحق ہونے والے 75 سالہ قاری آصف وزیرآباد کے رہائشی تھے اور ایک بارات کے ساتھ کھیالی آئے تھے۔ یہ واقعہ ہفتہ اور اتوار کی درمیانی شب ساڑھے دس بجے کے قریب پیش آیا تھا۔

یہ بھی پڑھیں

گوجرانوالہ:شادی کی خوشی غم میں بدلی،نکاح خواں سیوریج نالے میں گر کر لاپتہ،تلاش جاری

سیوریج نالہ دس فٹ سے زائد گہرا ہے اور کوڑا کرکٹ سے بھرا ہوا ہے۔ مقامی لوگوں کا کہنا ہے کہ یہ نالہ کھلا ہونے کی وجہ سے پہلے بھی کئی افراد اور بچے اس میں گر کر اپنی جان سے ہاتھ دھو چکے ہیں۔