اسلام آبادتازہ ترین

نیپالی کوہ پیما کے ٹو سرکرنے کیلیے چند میٹر کی دوری پر

5 سال قبل
5 سال قبل

باغی ٹی وی کی رپورٹ کے مطابق کلائمبگ کی دنیا میں ایک نئی تاریخ رقم ہونے والی ہے نیپالی کوہ پیما کے ٹو سرکرنے کیلیے چند میٹر کی دوری پر ہیں

موسم سرما میں کے ٹو پر مہم جوئی آخری مرحلے میں داخل ہو ئی اور کے ٹو سر کرنے کی مشن نیپالی ٹیم سبقت لے رہی ہے ،سکردو میں مہم جوئی میں مصروف ٹیموں میں سخت مقابلہ ہوا

سوشل میڈیا پر پیغام میں نیپالی ٹیم لیڈر مینگما گیلجے کےمطابق نیپالی کوہ پیماؤں نے کے ٹو پر کیمپ 4 لگا لیا ہے اور ہم کامیابی سے کیمپ 4 پہنچ گئے ہیں،ہم جلد کے ٹو سر کریں گے،ہم آخری راونڈ کے سفر کی تیاری کررہے ہیں،نیپالی ٹیم تاریخ رقم کرنے جارہے ہیں۔

نیپالی کوہ پیماؤں میں مینگما گیلجے ( ٹیم لیڈر) اور تمٹنگ شیرپا شامل ہیں جبکہ کوہ پیماؤں میں پاسنگ نمجیل اور کلی پیہما بھی نیپالی ٹیم ممبرز ہیں،نیپالی کوہ پیماؤں کو 8 ہزار میٹر بلند چوٹیوں کو سر کرنے کا تجربہ ہے

دوسری جانب آئس لینڈ اور پاکستانی کوہ پیماؤں کی ٹیم کیمپ 3 پہنچ گئے ہیں، ٹیم لیڈر جان اسنوری کےمطابق ہم آکسیجن اور سامان سمیت کیمپ 3 پہنچ گئے ہیں،میرے ساتھ علی سدپارہ اور ساجد سمیت اصغر بھی موجود ہیں،کے ٹو پر ہم آئس لینڈ کے بسکٹ کھارہے ہیں،سخت موسمی حالات کے ساتھ مقابلہ کررہے ہیں،ہم فتح یاب ہونے کے لئے بے تاب ہے،جلد فائنل مہم جوئی پر جائیں گے، آئندہ 24 سے 48 گھنٹوں میں تاریخ ساز لمحہ دیکھ رہے ہیں۔

واضح رہے کہ دنیا بھر سے 60 کے قریب کوہ پیما ان دنوں گلگت بلتستان میں موجود ہیں اور کوہ پیماؤں کی مختلف ٹیمیں کے ٹو اور براڈ پیک پر مہم جوئی میں مصروف ہیں۔ دنیا کے 19 ممالک سے 59 کوہ پیما K2 سر کرنے سوہنے پاکستان پہنچے ہیں ،کے ٹو کا درجہ حرارت مائنس 48 ہے ،اس مہم کو K2 سیون انٹرنیشنل2021 کا نام دیا گیا ہے

Shares:

مزید خبریں