پاکستان انٹرنیشنل ایئرلائنز (پی آئی اے) کی نجکاری کے دوسرے مرحلے میں 8 مختلف پارٹیوں نے شرکت میں دلچسپی کا اظہار کیا ہے۔
حکومت کی جانب سے جاری کردہ اعلامیے کے مطابق نجکاری کمیشن کو مقررہ تاریخ 19 جون تک 5 امیدوار پارٹیوں کی جانب سے باضابطہ کوالیفکیشن دستاویزات موصول ہوئیں۔دستاویزات جمع کرانے والوں میں لکی سیمنٹ، حب پاور، کوہاٹ سیمنٹ اور میٹرو وینچرز پر مشتمل کنسورشیم شامل ہے۔ اس کے علاوہ عارف حبیب، فاطمہ فرٹیلائزر، سٹی اسکول اور لیک سٹی ہولڈنگز پر مشتمل گروپ نے بھی دلچسپی ظاہر کی ہے۔
ایئر بلیو اور فوجی فرٹیلائزر کمپنی نے بھی باضابطہ طور پر شرکت کے لیے کوالیفکیشن مکمل کی ہے۔دیگر کمپنیوں میں آگمنٹ سیکیورٹیز، سیرین ایئر، بحریہ فاؤنڈیشن، میگا ہولڈنگ اور ایکویٹاس نے مشترکہ طور پر پی آئی اے کی خریداری میں دلچسپی ظاہر کی ہے۔
اعلامیے میں کہا گیا ہے کہ موصول ہونے والی درخواستوں میں سے اہل قرار پانے والی پارٹیاں اگلے مرحلے میں "ڈیٹا روم” تک رسائی حاصل کریں گی، جہاں وہ مزید معلومات حاصل کر کے بولی میں حصہ لے سکیں گی۔
ایران اسرائیل جنگ: برطانیہ کی شمولیت پر لبرل ڈیموکریٹس نے بڑا مطالبہ کر دیا
190 ملین پاؤنڈ کیس: عمران خان اور بشریٰ بی بی کی سزا معطلی درخواستیں سماعت کے لیے مقرر
ڈبلیو ایچ او کا ایران اور اسرائیل میں صحت مراکز پر حملوں پر اظہارِ افسوس
صدر ٹرمپ نے ایران پر حملے کی منظوری سے متعلق خبر کو بے بنیاد قرار دے دیا