پیانگ یانگ: شمالی کوریا کے رہنما کم جونگ ان کا کہنا ہے کہ اگر دشمنوں نے ہمیں جوہری ہتھیار استعمال کرنے کی دھمکی دی تو ہم خود ایٹمی حملہ کردیں گے۔
باغی ٹی وی: شمالی کوریا کے سربراہ کم جونگ ان نے ایک بار پھر ایٹمی حملے کی دھمکی دے دی ، کہا کہ اگر دشمنوں نے ہمیں جوہری ہتھیار استعمال کرنے کی دھمکی دی تو ہم خود ایٹمی حملہ کردیں گے، شمالی کوریا کے میزائل تجربات فورسز کے عزم اور دشمنوں کو خبردار کرنے کا پیغام ہیں، دشمن اگر ہمیں نیوکلئیر ہتھیاروں سے اکسانے کی کوشش کرے گا تو ہم خود جوہری حملہ کردیں گے، ہماری فورسز ہر طرح کے چینلجز کے لیے تیار ہیں۔
ملک کے سرکاری خبررساں ادارے کے مطابق کم نے یہ تبصرہ اس وقت کیا جب انہوں نے فوج کے میزائل بیورو کے لیے کام کرنے والے فوجیوں سے ملاقات کی اور پیانگ یانگ کی جانب سے بین البراعظمی بیلسٹک میزائل (ICBM) کی حالیہ لانچنگ مشق پر انہیں مبارکباد دی۔
بیرونی قوتوں سے ملی بھگت کی تو بھر پور جواب دیں گے،چین کی فلپائن کو …
انہوں نے کہا کہ یہ تجربہ مسلح افواج کی وفاداری اور مضبوط موقف کو ظاہر کرتا ہے اور یہ "جارحانہ جوابی کارروائی کے انداز اور DPRK کی جوہری حکمت عملی اور نظریے کے ارتقاء کی واضح وضاحت ہے کہ جب دشمن اسے اکسائے تو ایٹمی حملے سے بھی دریغ نہ کرے
شمالی کوریا کی جانب سے رواں ہفتے کے آغاز پر بھی میزائل تجربات کیے گئے ہیں جس کی امریکا، جاپان اور جنوبی کوریا نے مذمت کی ہے، شمالی کوریا کو جوہری ہتھیاروں سے متعلق اپنی پالیسی کے باعث عالمی پابندیوں کا سامنا ہے۔
