ضلع کشمور کا کوئی بھی بچہ پولیو کے قطرے پینے سے نہ رہ جائے ۔ ڈپٹی کمشنر

باغی ٹی وی ،کندھ کوٹ (نامہ نگار) ضلع کشمور کا کوئی بھی بچہ پولیو کے قطرے پینے سے نہ رہ جائے ۔ ڈپٹی کمشنر
تفصیل کے مطابق 24 اکتوبر سے 29 اکتوبر 2022 تک جاری قومی انسداد پولیو مہم کے حوالے سے ڈپٹی کمشنر کشمور نے قومی انسداد پولیو مہم کے سلسلے میں تنگوانی تعلقہ کے مختلف علاقوں کا دورہ کیا اور انتظامات کا جائزہ لیا۔ اس موقع پر ڈپٹی کمشنر نے پولیو ورکرز کو ہدایت کی کہ ضلع کشمور کا کوئی بھی بچہ پولیو سے پیچھے نہ رہے، ہم سب کو مل کر کام کرنا ہے۔ پولیو ورکرز نے بتایا کہ قومی انسداد پولیو مہم کے دوران 3 لاکھ 17 ہزار 677 بچوں کو انسداد پولیو کے قطرے پلانے کا ہدف مقرر کیا گیا ہے جس کے لیے 747 موبائل ٹیمیں، 55 ٹرانزٹ اور 56 فکسڈ ٹیمیں گھر گھر جا کر 5 سال تک کے بچوں کو پولیو کے قطرے پلائیں گی ، جبکہ 66 سی ایم او اور 06 تعلقہ افسران مہم کی نگرانی کریں گے۔ جس کے بعد ڈپٹی کمشنر آر ایچ سی تنگوانی پہنچے اور ڈاکٹروں اور ادویات کی موجودگی کا جائزہ لیا۔