نوری آباد: موٹروے پرتیزرفتارکار کوبھیانک حادثہ، ایک جاں بحق، تین زخمی
![](https://baaghitv.com/wp-content/uploads/2024/08/Edhi-Ambulance-jpg.webp)
نوری آباد،باغی ٹی وی (نامہ نگار اللہ وسایا پالاری) حیدرآباد سے کراچی جاتے ہوئے ایک تیز رفتار کار ایم نائن موٹروے پر الٹ گئی جس کے نتیجے میں ایک شخص جاں بحق اور تین افراد شدید زخمی ہو گئے۔
پولیس کے مطابق حادثے میں جاں بحق ہونے والے شخص کی شناخت محسن جوکھیہ ولد حاجی سمون جوکھیہ کے نام سے ہوئی ہے جو کہ کراچی کے زکریا ٹاؤن کا رہائشی تھا۔ زخمیوں کو فوری طور پرہسپتال منتقل کر دیا گیا ہے جہاں ان کا علاج جاری ہے۔
حادثے کی ابتدائی رپورٹس کے مطابق کار کا ٹائر برسٹ ہونے کی وجہ سے یہ حادثہ پیش آیا۔
ایدھی رضاکاروں نے موقع پر پہنچ کر زخمیوں اور جاں بحق شخص کی لاش کو کراچی ہسپتال منتقل کیا۔