خیبرپختونخوا : شمالی وزیرستان میں سکیورٹی فورسز اور دہشت گردوں کے درمیان فائرنگ کے تبادلے میں 2 جوان شہید ہوگئے۔
باغی ٹی وی : پاک فوج کے شعبہ تعلقات عامہ (آئی ایس پی آر) کےمطابق میرعلی میں سکیورٹی فورسز اور دہشت گردوں کے درمیان 12اور 13 نومبر کی رات فائرنگ کے تبادلے میں ایک دہشت گرد مارا گیا، فائرنگ کے تبادلے میں دو جوان بھی شہید ہوگئے جن میں سپاہی عبداللہ اور سپاہی محمد سہیل شامل ہیں۔
آئی ایس پی آر نے بتایاکہ سکیورٹی فورسز نے دہشت گردوں کے ٹھکانے کا مؤثر انداز میں پتہ لگایا جبکہ علاقے میں دیگر دہشتگردوں کے خاتمے کیلئے کلیرنس آپریشن جاری ہے سکیورٹی فورسزدہشتگردی کی لعنت ختم کرنےکیلئے پرعزم ہیں، ہمارےبہادرجوانوں کی ایسی قربانیاں ہمارا عزم مزید مضبوط کرتی ہیں۔
