شمالی وزیرستان کے علاقے میرعلی میں نامعلوم افراد نے اسسٹنٹ کمشنر کی سرکاری گاڑی اغواء کر لی۔ پولیس حکام کے مطابق واقعہ اس وقت پیش آیا جب اسسٹنٹ کمشنر کی گاڑی پٹرول ڈلوانے کے لئے ایک پٹرول پمپ پر رکی تھی۔ اس دوران، اغواء کاروں نے گاڑی کا ڈرائیور اور اس کے ساتھ موجود سیکیورٹی سکواڈ کو اغواء کر لیا، تاہم اسسٹنٹ کمشنر خود گاڑی میں موجود نہیں تھے۔
مقامی پولیس اور ضلعی انتظامیہ نے اس واقعہ کے بعد فوری طور پر تحقیقات کا آغاز کر دیا ہے اور اغواء شدہ گاڑی اور عملے کی بازیابی کے لیے کارروائیاں جاری ہیں۔ پولیس حکام کا کہنا ہے کہ اغواء کاروں کا تعاقب کیا جا رہا ہے اور قریبی علاقوں میں سرچ آپریشن بھی شروع کر دیا گیا ہے تاکہ گاڑی اور عملے کو جلد از جلد بازیاب کرایا جا سکے۔اسسٹنٹ کمشنر کی گاڑی کے اغواء کی اطلاع ملتے ہی مقامی پولیس اور قانون نافذ کرنے والے اداروں نے علاقے میں چوکس ہو کر اقدامات کیے ہیں اور اغواء کاروں کے ممکنہ ٹھکانوں پر چھاپے مارے جا رہے ہیں۔ حکام کے مطابق اس حوالے سے مزید تفصیلات جلد فراہم کی جائیں گی۔ شمالی وزیرستان میں اس نوعیت کے واقعات میں اضافے کے باعث علاقے کے عوام میں خوف و ہراس پایا جا رہا ہے، اور مقامی انتظامیہ کے لیے امن و امان کی صورتحال کو بہتر بنانا ایک چیلنج بن چکا ہے۔
پاکستان بزنس فورم کا وزیرخزانہ کو خط،آئندہ سال کیلئے قابل عمل معاشی روڈ میپ کی اپیل
مذاکرات،عمران خان سے ملاقات کا مطالبہ مان لیا گیا،اسد قیصر کا دعویٰ
