نو سالہ بچی کا قاتل ہمارے حوالے کرو، لواحقین کا احتجاج،تھانے میں داخل

نو سالہ بچی کا قاتل ہمارے حوالے کرو، لواحقین کا احتجاج،تھانے میں داخل

راولپنڈی کے علاقے جھنڈا چیچی میں مبینہ زیادتی کے بعد 9سالہ بچی قتل کا معاملہ ،بچی کے لواحقین نے تھانہ سول لائن کا گھیراؤ کر لیا

اہل خانہ نے بچی کے قاتل کو انکے حوالے کرنے کا مطالبہ کر دیا اور کہا کہ ملزم بابر کو ہمارے حوالے کرو اسکی سزا کا تعین ہم خود کریں گے ہمیں پولیس پر کوئی بھروسہ نہیں اس شخص کی سزا یہ ہے کہ اسے سر عام چوک میں لٹکایا جائے پھانسی دی جائے ورثا اور لواحقین تھانہ سول لائن کا گیٹ توڑ کر اندر داخل ہو گئے

بعد ازاں پولیس کے ساتھ مذاکرات ہوئے اور ایس ایس پی آپریشنز ، ایس پی پوٹھوہار کے ورثاء کے ساتھ کامیاب مذکرات کے بعد روڈ کو ٹریفک کے لئے بحال کر دیا گیا ،مذاکرات کے بعد مقتولہ کی تدفین کردی گئی، ایس ڈی پی او سول لائن کا کہنا ہے کہ گزشتہ روز پولیس نے واقعے کی اطلاع ملتے ہی فوری موقعہ پر پہنچ کر واقعہ میں نامزد ملزم بابر مسیح کو حراست میں لیا تھا ،تمام زاویوں پر تفتیش کرتے ہوئے ملزم کو ٹھوس شواہد کے ساتھ چالان کرکے قرار واقعی سزا دلوائی جائے گی راولپنڈی پولیس میرٹ اور شفافیت کی پالیسی پر عمل پیرا ہے، جس کو ہر صورت یقینی بنایا جائے گا،