نو سالہ بچی کی نعش برآمد، زیادتی کے امکان کو رد نہیں کیا جا سکتا، پولیس
باغی ٹی وی کی رپورٹ کے مطابق جھنڈا چیچی کے علاقہ میں 9 سالہ بچی کی نعش برآمد ہوئی ہے
واقعہ کی اطلاع ملتے ہی ایس ایس پی آپریشنز شعیب محمود، ایس پی پوٹھوہار سید علی، ایس ایچ او سول لائن اور ایس ایچ او ویمن پولیس نفری کے ہمراہ موقعہ پر پہنچ گئے،جائے وقوعہ سے واقعہ کے ذمہ دار ملزم بابر مسیح کو حراست میں لے لیا گیا ہے، پولیس کا کہنا ہے کہ ابتدائی تحقیقات کے مطابق بچی چیز لینے گھر سے نکلی تھی، جسم پر تشدد کے نشانات پائے گئے ہیں تاہم وجہ موت کا تعین پوسٹ مارٹم رپورٹ کے بعد ہی ہو سکے گا، نعش کو پوسٹ مارٹم کے لئے ہسپتال منتقل کیا گیا ہے، ایس ایس پی آپریشنز شعیب محمود کا کہنا ہے کہ واقعہ کی تمام زاویوں سے تحقیقات کی جا رہی ہیں، زیادتی کے امکان کو رد نہیں کیا جا سکتا،گرفتار ملزم کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی،
آئی جی پنجاب نے راولپنڈی میں 9 سالہ بچی سے زیادتی کے بعد قتل کے واقعہ کا نوٹس لے لیا اور آر پی او راولپنڈی سے واقعہ کی رپورٹ طلب کر لی، آئی جی پنجاب نے گرفتار ملزم کے خلاف سخت قانونی کاروائی کا حکم دیا اور کہا کہ لواحقین کو انصاف کی فراہمی ترجیحی بنیادوں پر یقینی بنائی جائے۔
