انٹرنیٹ ٹیکنالوجی کی سب سے بڑی کمپنی گوگل نے میپس ایپ میں اہم اپڈیٹ متعارف کرا دیا ہے، جس کے بعد صارفین صرف آواز کے ذریعے راستے اور ٹریفک کی تمام معلومات حاصل کر سکیں گے۔
ٹیکنالوجی ویب سائٹ کے مطابق گوگل نے اپنی مشہور ایپ گوگل میپس کو نئے انداز میں اپ ڈیٹ کیا ہے، جس سے یہ محض ایک نقشہ نہیں رہا بلکہ ایک اسمارٹ معاون کی طرح کام کرے گا۔نئے فیچرز کے تحت صارفین بغیر موبائل ہاتھ میں لیے صرف بول کر راستہ تلاش کر سکتے ہیں۔ مثال کے طور پر آپ صرف کہیں گوگل، قریب ترین ہسپتال دکھاؤ” یا "قریب پیٹرول پمپ دکھاؤ جہاں پارکنگ ہو” — میپس فوری طور پر معلومات فراہم کر دے گا۔
اگر راستے میں ٹریفک نہ ہو تو گوگل مناسب روٹ فوراً بتا دے گا، جبکہ اب ایپ ہدایات سڑکوں کے ناموں کے بجائے مشہور مقامات اور عمارتوں کی بنیاد پر دے گی، مثلاً تھائی سیام ریسٹورنٹ کے بعد دائیں مڑیں ،اس سے ڈرائیونگ کے دوران نیوی گیشن مزید آسان ہو جائے گی۔صارفین اگر راستے میں ٹریفک، سڑک بندش یا کسی حادثے کا سامنا کریں تو وہ بھی آواز کے ذریعے رپورٹ کر سکیں گے، جس پر گوگل میپس دیگر ڈرائیورز کو فوری اطلاع دے گا۔
یہ فیچر فی الحال اینڈرائیڈ صارفین کے لیے دستیاب ہے، جبکہ جلد ہی آئی او ایس اور گوگل آٹو سسٹمز کے لیے بھی متعارف کرایا جائے گا
سری لنکا سیلاب متاثرین کی مدد، پاک بحریہ کی امدادی سرگرمیاں جاری
پیٹرولیم مصنوعات سستی، نوٹیفکیشن جاری ہو گیا
کیلیفورنیا میں سالگرہ کی تقریب پر فائرنگ، 4 افراد ہلاک
