نواز شریف کا سیاسی قیادت سے مشاورت کا فیصلہ،رہنماؤں کی پی ٹی آئی وفد کو مدعو کرنے کی تجویز

لاہور: ن لیگ کے قائد نواز شریف نے سیاسی قیادت سے مشاورت کا فیصلہ کیا ہے، پارٹی کے سینئر رہنماؤں نے تحریک انصاف کے وفد کو بھی مدعو کرنے کی تجویز دی ہے۔

باغی ٹی وی: ذرائع کا کہنا ہے کہ ملک میں جمہوری نظام کی مضبوطی اور معاشی مسائل کے حل کے لئے قائد ن لیگ نواز شریف نے ملکی سیاسی قیادت سے مشاورت کا فیصلہ کیا ہے، نوازشریف انتخابی مہم شروع کرنے سے قبل سیاسی قیادت کو ظہرانے پر اکٹھا کریں گے، اور وہ خود چند روز میں اس حوالے سے سیاسی رہنماؤں سے رابطے کریں گے ، نوازشریف قابل اعتماد ساتھیوں سےقومی و سیاسی امور پر مشاورت کر رہے ہیں، پارٹی کےسینیئر رہنماؤں نے نوازشریف کو تمام سیاسی قوتوں کو ساتھ بٹھانے اور تحریک انصاف کے وفد کو بھی مدعو کرنے کی تجویز دی ہے۔

راولپنڈی:مسافر وین میں نامعلوم افراد کی فائرنگ ایک خاتون ہلاک ایک زخمی

ذرائع کے مطابق نوازشریف سیاسی قیادت کے ساتھ ملک کو درپیش چیلنجوں پر گفتگو کریں گے، اور ان چیلنجز اور معاشی مسائل سے نمٹنے کی حکمت عملی مرتب کی جائے گی، اس کے علاوہ سیاسی جماعتوں کو ذاتی مخالفت یا سیاسی انتقام نہ لینے کے بیانیے سے بھی آگاہ کیا جائے گا۔

خیبرپختونخوا میں عام انتخابات کی تیاریاں شروع