جن املاک کونقصان پہنچا ،اسی حالت میں بحال کریں گے،وزیراعلیٰ پنجاب

نگران وزیراعلیٰ پنجاب محسن نقوی نے اجلاس سے خطاب کرتے ہوئے کہا کہ جڑانوالہ واقعہ انتہائی افسوسناک ہے،

محسن نقوی کا کہنا تھا کہ ہمارے اتحاد کو نقصان پہنچانے کی کوشش کی گئی نبیﷺ نے سکھایا ہے کہ اقلیتوں کیساتھ کیسا سلوک کرنا ہے، وعدہ ہے جو نقصان ہوا 3،4 روز میں پورا کریں گے، ہمیں ایسے واقعات سے بچنے کیلئے لانگ ٹرم پلان بنانا پڑے گا،ہمارا دین اور ملک ایسے واقعات کی اجازت نہیں دیتا،جن املاک کونقصان پہنچا ان کواسی حالت میں بحال کریں گے پولیس نے پلاننگ سے جانی نقصان ہونے سے بچایا ,ہر عمارت، گھر اور گرجا گھر کو اس کی اصل حالت میں بحال کیا جائے گا

نگران وزیر اعلی محسن نقوی کی زیر صدارت تمام مذاہب اور ادیان کے قائدین (مسلم، کرسچن، سکھ،ہندو، بہائی) کے اجلاس کا متفقہ اعلامیہ جاری کر دیا گیا،نگران وزیر اعلی پنجاب محسن نقوی کی زیر صدارت پاکستان میں بسنے والے تمام مذاہب اور ادیان کے قائدین اور زعماء (مسلم، کرسچن، سکھ،ہندو، بہائی) کا مشترکہ اجلاس آج وزیر اعلی آفس میں منعقد ہوا ، اجلاس کے اختتام پرمسیحی برادری کے رہنما بشپ ندیم کامران نے اتفاق رائے سے مشترکہ اعلامیہ پیش کیا، اعلامیہ میں کہا گیا کہ پاکستان کے قیام اور اس کے استحکام میں پاکستان میں بسنے والے دیگر تمام مذاہب اور اقلیتی رہنماؤں کا کردار ہماری تاریخ کا ایک روشن باب ہے-وطن عزیز کے معروضی حالات اس امر کے متقاضی ہیں کہ تمام مذاہب اور ادیان کی لیڈرشپ اور دینی شخصیات قومی یکجہتی، ملکی استحکام، بین المذاہب مکالمہ اور مجموعی امن و امان کے لئے ہمیشہ کی طرح اپنا اساسی اور کلیدی کردار ادا کرتے رہیں

دوسری جانب ترجمان دفتر خارجہ کا کہنا ہے کہ جڑانوالہ میں جو افسوسناک واقعہ پیش آیا اس میں ملوث کسی کو نہیں چھوڑیں گے، کسی کو بھی معاف نہیں کیا جائے گا، نگران وزیراعظم انوارالحق نے واقعہ کی مذمت کی ہے، پورے ملک کی عوام مسیحی برادری کے ساتھ گزشتہ روز ہونیوالے سلوک پر دکھی ہے،

واضح رہے کہ پنجاب کے شہر جڑانوالہ میں گزشتہ روز افسوسناک واقعہ پیش آیا تھا، قرآن مجید کی مبینہ طور پر بے حرمتی کے بعد مشتعل افراد نے مسیحی برادری کے املاک کو آگ لگا دی، چرچوں سے سامان باہر پھینکا، اور چرچ جلا دیئے، صلیب اتار دی، واقعات کے بعد جڑانوالہ میں دفعہ 144 نافذ کی گئی ہے، شہر میں رینجرز اور پولیس تعینات ہے، آج عام تعطیل کا اعلان کیا گیا ہے، آئی جی پنجاب اور چیف سیکرٹری پنجاب نے رات گئے جڑانوالہ کا دورہ کیا ہے، پنجاب کی نگراں حکومت نے واقعات کی تحقیقات کا اعلان کیا ہے۔

نگران وزیر اعظم انوار الحق کاکڑ نے جڑانوالہ واقعہ کا نوٹس لیا ہے

توہین رسالت کی مجرمہ خاتون کو سزائے موت سنا دی گئی

توہین رسالت صلی اللہ علیہ وسلم و توہین مذہب کا مقدمہ،دفاعی شہادت پیش کرنے کے لئے مزید مہلت کی استدعا مسترد

پابندی کے بعد مذہبی جماعت کیخلاف سپریم کورٹ میں کب ہو گا ریفرنس دائر؟

ن لیگ نے گرفتار مذہبی جماعت کے سربراہ کو اہم پیغام بھجوا دیا

کالعدم جماعت کے ساتھ مذاکرات کا پہلا دور کامیاب، کس نے کیا اہم کردار ادا،شیخ رشید نے بتا دیا

پولیس افسر و اہلکاروں کو حبس بے جا میں رکھنے کے واقعے کا مقدمہ درج