نیوزی لینڈ نے پاکستان کو وائٹ بال کرکٹ سیریز کی پیشکش کردی۔
باغی ٹی وی: میڈیا رپورٹس کے مطابق دونوں بورڈز کے درمیان وائٹ بال سیریز میں 3 ون ڈے یا 5 ٹی ٹوئنٹی میچز پر مثبت بات چیت جاری ہےپاکستان کرکٹ بورڈ کی مینجمنٹ کمیٹی کے چیئرمین نجم سیٹھی براہ راست سیریز کے حوالے سے معاملات پر نیوزی لینڈ کرکٹ حکام سے بات کر رہے ہیں ممکنہ طور پر ٹی 20 ورلڈ کپ کی تیاری کے سلسلے میں ٹی 20 سیریز کھیلی جا سکتی ہے۔
بھارت میں ورلڈ کپ جیت کر آئیں،بھارتی کرکٹ بورڈ کیلئے بڑا طمانچہ ہو گا،شاہد آفریدی
نیوزی لینڈ کرکٹ نے پاکستان کو آسٹریلیا کے دورے کے اختتام پر نیوزی لینڈ میں سیریز کھیلنے کی پیشکش کی ہے نیوزی لینڈ کرکٹ بورڈ کے دعوت نامے کے بعد پی سی بی اسٹیک ہولڈرز سے مشاورت کر رہا ہے اور اگلے چند روز میں سیریز کوحتمی شکل دیئے جانے کا امکان ہے۔
اگر حکومت نے کہا تو ہم ورلڈ کپ کھیلنے ضرور جائیں گے،نجم سیٹھی
واضح رہے کہ پاکستان اور آسٹریلیا کے درمیان تیسرا ٹیسٹ میچ 7 جنوری کو سڈنی میں ختم ہو گا۔