ورلڈ کپ 2023: نیدرلینڈز کے خلاف نیوزی لینڈ کی بیٹنگ جاری

حیدر آباد ،دکن: نیدرلینڈز نے نیوزی لینڈ کے خلاف ٹاس جیت کر فیلڈنگ کا فیصلہ کیا ہے۔

باغی ٹی وی : میچ بھارتی حیدرآباد کے راجیو گاندھی اسٹیڈیم میں کھیلا جارہا ہے جہاں نیدرلینڈز نے نیوزی لینڈ کے خلاف ٹاس جیت کر فیلڈنگ کا فیصلہ کیا کیوی ٹیم پہلے بیٹنگ کرے گی، نیوزی لینڈ کے 32 اوورز مکمل ہوچکے ہیں اور ٹیم کا اسکور دو وکٹوں کے نقصان پر 183 ہے۔

دوسری جانب کیوی ہیڈ کوچ گیرے اسٹیڈ نے انجرڈ تین پلیئرز کی انجری سے متعلق اپڈیٹ میں کہا ہے کہ ٹم سائودی اور لوکی فرگوسن کی ڈچ الیون کیخلاف واپسی کا امکان ظاہر کیا جارہا ہے، ہیڈ کوچ کے مطابق کین ولیمسن کو ابھی مزید کچھ وقت گراؤنڈ سے باہر گزارنا پڑیگا۔

کیوی کوچ کا کہنا ہے کہ لوکی فرگوسن نے عمدگی سے ٹریننگ کی ہے اور وہ اب ہمیں اگلے میچ میں دستیاب ہوسکتے ہیں، ٹم سائودی بھی بہتر ہوگئے ہیں، ان کا حتمی ایکسرے بھی کلیئر آگیا ہے، ہم صورتحال بہتر رہنے پر انھیں میچ میں طلب کرسکتے ہیں۔

واضح رہے کہ دونوں ٹیموں کا ورلڈکپ میں یہ دوسرا میچ ہے، نیدرلینڈز کو پہلے میچ میں پاکستان سے شکست ہوئی تھی جب کہ نیوزی لینڈ نے ٹورنامنٹ کے پہلے میچ میں انگلینڈ کو 9 وکٹوں سے ہرایا تھا،کیوی ٹیم دو پوائنٹس کے ساتھ پہلے نمبر پر موجود ہیں جبکہ نیدر لینڈز شکست کی وجہ سے آٹھویں نمبر پر ہے۔

نیدرلینڈز کی ٹیم میں وکرم جیت سنگھ، میکس اوڈوڈ، کولن ایکرمین، باس ڈی لیڈ، تیجا ندامانورو، اسکاٹ ایڈورڈز (وکٹ کیپر)، سائبرانڈ اینجلبریچٹ، رولوف وان ڈر مروے، ریان کلائن، آریان دت اور پال وان میکرن شامل ہیں۔

نیوزی لینڈ کی ٹیم ڈیون کونوے، ول ینگ، راچن رویندر، ڈیرل مچل، ٹام لیتھم (وکٹ کیپر)، گلین فلپس، مارک چیپمین، مچل سینٹنر، میٹ ہنری، لوکی فرگوسن اور ٹرینٹ بولٹ پر مشتمل ہے۔