دنیا بھر کے سمندروں کو لاحق غیرمعمولی خطرات پرماہرین کا کھلا خط

ماہرین نے خدشہ ظاہرکیا ہے کہ دنیا بھر کے سمندروں کو غیرمعمولی خطرات لاحق ہیں-

باغی ٹی وی : 200 سے زیادہ بین الاقوامی شہرت یافتہ سائنسدانوں نے ایک کھلا خط شائع کیا جس میں سمندر پر مبنی کاربن ڈائی آکسائیڈ کو ہٹانے کی تحقیق اور ترقی کو ترجیح دینے اور تیز کرنےکی ضرورت کی توثیق کی گئی خط میں کاربن ڈائی آکسائیڈ کے اخراج میں سمندروں کے ممکنہ کردار کا جائزہ لینے کی ضرورت پر روشنی ڈالی گئی اور خطرات اور فوائد کو بہتر طور پر سمجھنے کی فوری ضرورت پر زور دیا گیا۔

دنیا بھر کے سائنسدانوں، بحری حیاتیات داں اور آب و ہوا کے ماہرین نے کہا ہے کہ دنیا بھر کے سمندروں کو غیرمعمولی خطرات لاحق ہیں،بالخصوص سمندروں میں کاربن ڈائی آکسائیڈ کے انجذاب کو روکنے کی ضرورت ہےیہ خط اقوامِ متحدہ کی جنرل اسمبلی کے 78ویں اجلاس سے پہلے جاری کیا گیا ہے جو نیویارک میں منعقد ہوگا اس خط پر ماہرین کے دستخط بھی ہیں اور ان کا اصرار ہے کہ سمندروں پرمبنی کاربن ڈائی آکسائیڈ کو کم کرنے یا ’اوشن بیسڈ کاربن ڈائی آکسائیڈ ریموول (اوسی ڈی آر) پر تحقیق اورکوششوں کو تیزترکیا جائےاس کا مطلب یہ ہےکہ کسی بھی طرح کاربن ڈائی آکسائیڈ کو سمندروں میں جذب ہونے سے روکا جائے۔

سعودی ولی عہد،جی 20 اجلاس کے فوری بعد واپس نہیں جائیں گے

ماہرین نے کہا کہ اسی تناظر میں ہم آب وہوا میں تبدیلی کے کے خوفناک مظاہر بھی دیکھ چکے ہیں اور اس سال کئی گرم ترین تاریخی دنوں کا مشاہدہ بھی ہوا ہے اس کی صاف وجہ ہے کہ کاربن جمع ہونے سے عالمی حدت (گلوبل وارمنگ) بڑھ رہی ہے،ہم فضا میں جو کاربن ڈائی آکسائیڈ خارج کررہے ہیں اس سے زمین کا حساس نظام متاثرہورہا ہے اور عالمی سمندر اپنی استطاعت سے 50 گنا زائد کاربن ڈائی آکسائیڈ جذب کررہے ہیں اس طرح سمندری درجہ حرارت بڑھ رہا ہے اور اس کی تیزابیت بڑھ رہی ہے یوں سمندری حیات پر ایک قیامت ٹوٹ پڑی ہے خط میں یہ بھی لکھا ہے کہ کاربن ڈائی آکسائیڈ کے اخراج کے ہر راستے کو روکنے کی بھی ضرورت ہے۔

دستخط کرنے والے سائنسدانوں نے بھی کہا ہے وہ اس ضمن میں اپنی بھرپور کوششیں کررہے ہیں۔ تاہم انہوں نے نئے طریقوں، قانون سازی اور فریم ورک پربھی زوردیا ہے۔ خط کے مطابق سمندروں کو آنے والی نسلوں کے لیے محفوظ اور پائیدار بنانا بہت ضروری ہے خط میں عالمی رہنماؤں پر زوردیا گیا ہے وہ اس ضمن میں اپنا کردار ادا کریں۔

جی 20 سربراہی اجلاس،رکشے میں بارودی مواد کی اطلاع پر پولیس کی دوڑیں

ووڈس ہول اوشیانوگرافک انسٹی ٹیوشن کے صدر اور ڈائریکٹرپیٹر ڈی مینوکل، جس نے کھلے خط پر دستخط کیے نے کہا آئی پی سی سی نے واضح کیا ہے کہ بڑھتے ہوئے درجہ حرارت کو روکنے کے لیے اس صدی میں بڑے پیمانے پر CO2 کو ہٹانے کی ضرورت ہوگی لہذا، یہ ضروری ہے کہ ہم کاربن ڈائی آکسائیڈ کو ہٹانے کے تمام راستوں کی ذمہ دارانہ تحقیق، ترقی اور جانچ کو تیز کریں، بشمول سمندر میں، اس بات کا تعین کرنے کے لیے کہ کون سے نقطہ نظر بالآخر محفوظ، مساوی اور قابل عمل ہو سکتے ہیں-

کھلے خط کے دستخط کنندگان تحقیق کو آگے بڑھانے، اختراع کو فروغ دینے، اور ایسے پالیسی فریم ورک کی وکالت کرنے کے لیے اپنی وابستگی کا اظہار کرتے ہیں جو ذمہ دارانہ تحقیق اور جانچ کی اجازت دیتے ہیں۔ وہ موسمیاتی تبدیلیوں سے نمٹنے، سمندری ماحولیاتی نظام کی حفاظت، اور آنے والی نسلوں کے لیے ایک قابل عمل مستقبل کو یقینی بنانے کے لیے تبدیلی کے عمل کی فوری ضرورت پر زور دیتے ہیں۔ خط میں اخراج کو کم کرنے کی بنیادی اہمیت پر بھی زور دیا گیا ہے، جس میں کاربن کو ہٹانا 1.5 ڈگری سیلسیس کے ہدف کو پورا کرنے میں مدد فراہم کرتا ہے۔

طالبان نے 6.5 ارب ڈالرز کے معاہدوں پر دستخط کر لئے