اوچ شریف:آزادی کا جشن زندہ قوموں کی شناخت ہے،مہر ربانی کھاٹھیہ

اوچ شریف (باغی ٹی وی ،نامہ نگار ): جمیت علماء اسلام کے حلقہ پی پی 250 کے امیدوار ایم پی اے مہر غلام احمد ربانی کھاٹھیہ نے اوچ شریف اور گردونواح کی عوام کو 14 اگست کے موقع پر جشن آزادی کی ریلی میں شرکت کی دعوت دی ہے۔

مہر غلام احمد ربانی کھاٹھیہ کا کہنا ہے کہ آزادی کا جشن منانا زندہ قوموں کی نشانی ہے۔ انہوں نے کہا کہ ہم سب کو مل کر اس دن کو جوش و جذبے کے ساتھ منانا چاہیے۔ ان کا کہنا تھا کہ آزادی کا جشن ایسا ہونا چاہیے کہ ملک کے ہر کونے میں اسے منایا جائے تاکہ دنیا کو یہ پیغام مل سکے کہ ہم ایک زندہ اور متحرک قوم ہیں۔

انہوں نے مزید کہا کہ پاکستان دنیا کی پانچویں اور امت مسلمہ کی دوسری بڑی قوم ہے۔ ہم نے اپنی محنت اور قربانیوں سے پاکستان کو یہ مقام دیا ہے۔ آج ہمارے نوجوان پوری دنیا میں پاکستان کا نام روشن کر رہے ہیں۔