اوچ شریف ،باغی ٹی وی (نامہ نگار حبیب خان) اعلیٰ عدلیہ نمازوں کے اوقات میں تمام ٹی وی چینلز کو آذان نشرکرنے کا حکم دے مخدوم سید ظفر حسن گیلانی
تفصیل کے مطابق سابق چیئرمین بلدیہ مخدوم سید ظفر حسن گیلانی نے چیف جسٹس سپریم کورٹ آف پاکستان سے مطالبہ کیا ہے کہ رمضان المبارک کے مقدس مہینے میں ٹی وی چینلز کو پانچ وقت کی اذان نشر کرنے اور تفریح کے نام پر تمام بے ہودہ پروگراموں کو بند کرنے کا نوٹس لینے کا مطالبہ کیاہے
انہوں نے کہا کہ سارا سال ناچنے اور گانے والے رمضان المبارک کی نشریات میں سر پر ڈوپٹہ اوڑھ کر شلوار قمیض اور واسکٹ پہن کر ایک نیا روپ دھار لیتے ہیں اور عوام کو دین کی باتیں سکھانے لگتے ہیں ایسے کرداروں کی ہر صورت حوصلہ شکنی کی ضرورت ہے۔
دینی موضوعات کیلئے بھونڈوں کی بجائے جید علمأ کرام کو مدعو کیا جانا چاہئے تا کہ اسلام کاحقیقی پیغام عام لوگوں تک پہنچ سکے
انہوں نے کہا کہ تفریح کے نام پر نوجوان نسل کو ایک سوچی سمجھی منصوبہ بندی کے تحت تباہ و برباد کیا جا رہا ہے۔ انہوں نے مزید کہا کہ مٹھی بھر سیکولر عناصر نے اسلام کے نام پر وجود میں آنے والے اسلامی جمہوریہ پاکستان کے چو بیس کروڑ عوام کو یرغمال بنایا ہوا ہے۔
انہوں نے کہا کہ معاشرے میں بڑھتی ہوئی عریانی وفحاشی کے باعث بن رہے ہیں انہوں نے مطالبہ کیا کہ حکومت وقت کو معاشرتی اقدار کے تحفظ کے لئے فحاشی و عریانی کے سدباب کرنے کا پابند کیا جاۓ
انہوں نے کہا کہ مغربی و ہندوستانی کلچر نے بچوں سے لے کر نوجوان نسل کے اخلاق کو شدید متاثر کیا ہوا ہے۔ بے ہودہ ٹی وی پروگرام اسلامی تہذیب کا جنازہ نکال رہے ہیں اورکوئی پوچھنے والا نہیں۔
انہوں نے چیف جسٹس آف پاکستان سے اس بابت فوری نوٹس لینے کی اپیل کی ہے
