اوچ شریف:اسلام آباد سے کراچی جانےوالی بس نہرمیں گرگئی،3 مسافرجاں بحق،متعددزخمی

اوچ شریف،باغی ٹی وی (نامہ نگارحبیب خان )اسلام آباد سے کراچی جانےوالی بس نہرمیں گرگئی،3 مسافرجاں بحق،متعددزخمی
تفصیل کے مطابق اسلام آباد سے کراچی جانےوالی بس ہیڈنوشہرہ جدید خانقاہ شریف میں ٹرن لیتے ہوئے نہر میں گرگئی ،بس نہرمیں گرنے سے 3مسافر جاں بحق ہوگئے ہیں جبکہ 20 مسافرزخمی ہوگئے ،زخمیوں میں سے 17 مسافروں کوبہاولپوروکٹوریہ ہسپتال منتقل کردیا ہے ،

ریسکیوسٹاف کے مطابق ہیڈ نو شہرہ جدید پر سکائی ویز اے سی بس (1443-CAD) جو کہ اسلام آباد سے کراچی جارہی تھی ٹرن لیتے ہوئے نہر میں گرگئی ریسکیو سٹاف نے مزید بتایا کہ نہر میں پانی کا لیول بہت کم ہے اور مزید یہ کہ تین مسافر موقع پر جان بحق ہو چکے ہیں،جاں بحق ہونے والوں میں دو مرد اور ایک خاتون شامل ہیں جن کے ناموں کی شناخت نہیں ہوسکی جبکہ دیگر زخمی ہونے والے مسافروں کو ابتدائی طبی امداد دیتے ہوئے بہاولپور وکٹوریہ ہسپتال شفٹ کر دیا گیا ہے۔ پولیس موقع پر موجود ہے اور مزیدامدادی کاروائیاں جاری ہیں۔